| کمزوروں کے مقتل میں کبھی رہ نہیں سکتا |
| مظلوموں پہ یہ ظلم کبھی سہہ نہیں سکتا |
| جذبات کے ساحل پہ خموشی کا ہے ڈیرہ |
| اب ہوگا کیا آگے یہ کوئی کہہ نہیں سکتا |
| قدرت نے زباں دی ہے تو بولوں گا ہمیشہ |
| میں سیلیِ دوراں میں کبھی بہہ نہیں سکتا |
| اب بھلا کون شہادت کی تمنا نہ کرے |
| اپنی نظروں کے جو وہ سیف و سناں رکھتے ہیں |
| ہم فقیروں کو جو سامانِ شہنشاہی ہیں |
| آپ سے اہلِ کرم ویسا کہاں رکھتے ہیں |
| آپ سے یادِ گزشتہ مری وابستہ ہیں |
| آپ کے لطف و کرم گریہ کناں رکھتے ہیں |
| اس صبر سے بھی بڑھ کر دولت نہیں تو کیا ہے |
| دل چپ وہ حشرِ جلوہ دم بھر نہیں تو کیا ہے |
| یہ حسنِ خود نما بھی حوروں سے کم ہو کیوں کر |
| صورت تری پری کا پیکر نہیں تو کیا ہے |
| میرے درونِ خانہ یہ حشر کیوں ہے برپا |
| وہ بے وفا جگر کے اندر نہیں تو کیا ہے |
| ہر چند کہ ناصح کے کٹیں کفر میں دن رات |
| مؤمن مجھے کرنے میں وہ کیا کیا نہ کریں گے |
| کچھ خوب نہیں کرتے وہ بدگوئیِ الفت |
| ہم درد و محبت کبھی یکجا نہ کریں گے |
| سنتے ہیں کہ ہم تجھ کو بہت بوجھ لگے ہیں |
| ایسا ہے تو ہم تیری تمنا نہ کریں گے |
| اس دور کے ملائے حرم کا ہے یہ فتویٰ |
| اس دور میں بہتر نہیں مومن کے لیے جنگ |
| ان کے لیے بہتر رہی قرآن کی تأویل |
| مومن کے لیے خاص ہے اچھی سی کوئی جنگ |
| یہ شوخیِ انداز یہ بے کار سی باتیں |
| اچھا تو بتا ثانی کہ پی لی تو نہیں بھنگ؟ |
| در پہ پتھر کی طرح بیٹھیے نالش کیجیے |
| جی میں آتا ہے کہ پھر ان سے گزارش کیجیے |
| آپ کا کام کیا یوں افسر یوں ہی کر ڈالے گا |
| گھوس بھی دیجیے اور پاؤں کی مالش کیجیے |
| ثانی اٹھ جائیے جب وہ نہیں سننے والا |
| درِ کافر پہ کیوں بے کار کی کاہش کیجیے |
| غبارِ دل کو محبت سے صاف کرتا ہوں |
| عدو کو دوست کو بھائی کو معاف کرتا ہوں |
| تری نظر ہی تو وعدہ خلاف ہوگی نہیں |
| کمی ہے مجھ میں بھی میں اعتراف کرتا ہوں |
| یہ دیکھ کے ہوئی دنیا کو کیسی حیرانی |
| میں عشق میں بھی عجب انکشاف کرتا ہوں |
| لوگوں نے بھیجے ہیں مے کے لیے پیغام کئی |
| بنا لب کھولے ہی آتے ہیں مجھے جام کئی |
| کیوں کہا غیر مجھے، کیا تجھے معلوم نہیں |
| ترے پہلو میں گزاری ہے کبھی شام کئی |
| تیرے رخسار کی زلفوں کی مگر بات کہاں |
| ورنہ تو آج بھی پہلو میں ہیں گلفام کئی |
| جب خود ہی کہہ نہ پاؤں حکایاتِ خوں چکاں |
| کس منہ سے پھر کہوں کہ مری داستاں سنو |
| اہلِ زباں تو ہو ہی گئے ہیں سپردِ خاک |
| یہ بھی نہیں کہ نالۂ ہر بے زباں سنو |
| دھرم و کرم کی بھینٹ تو ہم کب کے چڑھ گئے |
| لیکن جو تم بھی صبح کی تان و اذاں سنو |