| مغرب کی سیاست کا تماشا تو ذرا دیکھ |
| لاتے ہیں یہی صلح یہی بانٹتے تفنگ |
| کرتے ہیں یہی قتل یہی کرتے ہیں افسوس |
| قاتل کے یہی ساتھ ہیں مقتول کے بھی سنگ |
| دے کر یہ تجھے وسعتِ افلاک کے سپنے |
| تیرے ہی جہاں کو یہ کرے تجھ پہ بہت تنگ |
| مغرب کی شرابوں سے کرے دل کو ترے صاف |
| اور زمزمِ مشرق سے بٹھے دل پہ ترے زنگ |
| تسخیرِ جہاں کے تجھے سکھلا کے طریقے |
| تیرے ہی سلیقے سے تجھے کرتا ہے بے ڈھنگ |
| لے کر ترے سازوں سے یہ توحید کا نغمہ |
| الحاد کا سازوں میں ترے بھرتا رہا چنگ |
| حیران بھی ہوتی ہے قلندر کی فراست |
| دنیا میں نہیں باقی ہے مغرب سا کوئی شنگ |
| بازیچۂ اطفال ہے تو اس کی نظر میں |
| دے کر تجھے ہتھیار کرے تجھ سے ہی یہ جنگ |
| کر سکتا ہے دعویٰ کوئی اس دنیائے دوں میں |
| کم کعبہ و قبلہ سے ہے بت خانۂ افرنگ |
| اس نے دیے احکام کیے سب نے ہی سجدے |
| اک ایک اشارے پہ ہے تسلیم و رضا انگ |
| ہو حکمتِ لقمان کہ ہو درسِ سماوی |
| دے مات سبھی مہرے کو مغرب کا یہ نیرنگ |
| انگشت بدنداں ہوا ہر چال سے اس کی |
| اس کے سبھی حربوں سے ہوئی عقل مری دنگ |
| ہرچند اسے کہتا رہا تہذیب کا رنگ |
معلومات