| دنیا جو بسائی ہے ترے سنگ زمیں پر |
| بکھرا ہے محبت کا نیا رنگ زمیں پر |
| سانسوں کی تری خوشبو ہواؤں میں ہے تحلیل |
| ہے قوس و قزح بن کے ترا انگ زمیں پر |
| مذہب کی لڑائی ہو کہ تہذیب کے جھگڑے |
| ہونے نہیں دینی ہے کوئی جنگ زمیں پر |
| پھر وسعتیں بڑھتی ہی چلی جائیں گی اسکی |
| دو پھول محبت کے کِھلا تنگ زمیں پر |
| پرواز کا مطلب مجھے اب آیا سمجھ میں |
| سنتا ہوں بلندی کا وہ آہنگ زمیں پر |
| ہر دل میں فسوں گر کا طلسماتی جہاں ہے |
| ہر شکل ہے آئینۂ نیرنگ زمیں پر |
| کیوں ٹیڑھی نگاہوں سے مجھے دیکھے زمانہ |
| میں حرفِ مکرّر ہوں نہ ہی زنگ زمیں پر |
معلومات