| معتکف اہلِ ایماں کی مانند |
| دل کے گوشے میں اک تمنا ہے |
| اشک دیتے ہیں کتنی بینائی |
| دردِ دل کتنا روح افزا ہے |
| تری صورت بتا رہی ہے مجھے |
| تو کسی کے لیے تڑپتا ہے |
| ہجر جو عشق کی روایت ہے |
| بے رخی حسن کا تقاضا ہے |
| کیا گلہ حسن کی اداؤں سے |
| لب پہ شکوہ تو التجا سا ہے |
| روبرو آتا ہے کوئی چہرہ |
| سامنے جیسے آئینہ سا ہے |
| بے وفا ہے ہمارا لختِ جگر |
| دل کا ہر درد اب دعا سا ہے |
| اتنی تیاری کر رہے ہیں آپ |
| کتنے دن اس جہاں میں رہنا ہے |
معلومات