| مر چکی ہیں حسرتیں دل میں چھپے رازوں کے ساتھ |
| رو رہی ہے زندگی غمگین آوازوں کے ساتھ |
| پھر نگاہوں میں بچھڑنے کا وہ منظر ہے ابھی |
| یا تصور میں لپٹتا ہے وہ دروازوں کے ساتھ |
| رقص فرمانے لگی ہے زندگی کچھ اس طرح |
| پھر غزل آواز دیتی ہے نئے سازوں کے ساتھ |
| ہے لڑکپن کی نئی دہلیز پہ دل کا قدم |
| عشق کی دنیا میں پلنا چاہیے نازوں کے ساتھ |
| پردۂ زنگاری میں پوشیدہ کوئی روپ ہے |
| پھر مری سادہ دلی دیکھو فسوں سازوں کے ساتھ |
| منزلِ دار و رسن کی روشنی آئی تو ہے |
| حوصلوں کا کارواں ہے عزم پردازوں کے ساتھ |
| طبعِ آوارہ بھی ان جیسے قلندر میں رہی |
| حضرتِ ثانی ہوئے جو شعبدہ بازوں کے ساتھ |
| ثانی ارریاوی |
معلومات