| جس ضرب سے یا چوٹ سے یا وار سے گرے |
| بس خواب کا محل تری یلغار سے گرے |
| پہلے ہی اس کے دل پہ خطاؤں کا بوجھ ہے |
| گستاخی کر کے کیوں نگہ یار سے گرے |
| دیوار و در کے زاویے کیا ہوں گے آج جب |
| بنیادی خشت چھوٹ کے معمار سے گرے |
| پہلے خفا ہو ایک نظر کے سوال پر |
| پھر بے خودی میں مجھ پہ بڑے پیار سے گرے |
| خنجر تو پیٹھ میں مری دھوکے سے گھونپ دے |
| یا کٹ کے تیرا سر مری تلوار سے گرے |
| قتل عمد کا بوجھ ہواؤں کے سر نہ جائے |
| کٹ کٹ کے گل چمن میں اگر خار سے گرے |
| آنکھوں کے کچھ اشارے سے دل بستگی کرو |
| بار گناہ چشم گنہ گار سے گرے |
| جدت پسندی اپنی بلندی پہ آج ہے |
| کہنہ نشاں پرانی سی دیوار سے گرے |
معلومات