| کام لیتا رہا میں نالوں سے |
| بے غرض ہو کے حسن والوں سے |
| ہم سے بے ربط ہیں وہی جو لوگ |
| ربط رکھتے نہیں اُجالوں سے |
| اپنی غزلوں کے جو اساس رہے |
| ہم ہوئے تنگ انہی خیالوں سے |
| کیا ملا ہجر کو بیاں کرکے؟ |
| خالی لوٹے ہیں ہم سوالوں سے |
| ساری دنیا میں بانٹ دی ہم نے |
| اک اُجالا کئی حوالوں سے |
| حسن والے ذرا دکھا جائیں |
| وسعتِ قلبی تنگ حالوں سے |
| ہم کہ ہیں آپ مجمعِ خوبی |
| ہم کو کیا دوسری مثالوں سے |
| ہر سفر زخم خوردگی کا ہے |
| ہے تو کانٹوں کا ربط چھالوں سے |
| مرے ایثار کا مذاق اڑے |
| رکھ الگ مجھ کو ان دلالوں سے |
| میں جواب عرض کر کے پوچھوں گا |
| اک سوال آپ کے سوالوں سے |
معلومات