| تمام ظلمتِ شب کہکشاں سے پہلے تھی |
| مری زمین ترے آسماں سے پہلے تھی |
| مرے لیے تو اثاثہ تھا زندگی کا وہی |
| جو تیرگی نگہِ مہرباں سے پہلے تھی |
| تری نگاہ کو تسلیم ہو نہ ہو لیکن |
| کہانی دل کی ہر اک داستاں سے پہلے تھی |
| جواب دینا تو بنتا تھا، دے دیا دل نے |
| نظر سے گفتگو دل کی زباں سے پہلے تھی |
| ہجوم سے بھی زیادہ تھا لطفِ تنہائی |
| کہ دل کی راہ، رہِ کارواں سے پہلے تھی |
| ہمارے دل کی تسلی تو ہو نہ سکتی تھی |
| بدن کی کشمکش آرامِ جاں سے پہلے تھی |
| ہماری حرماں نصیبی گماں بخشتی ہے |
| یقیں کی جستجو وہم و گماں سے پہلے تھی |
معلومات