| بعد میں چاہیے نہیں کچھ بھی |
| یہ ضرورت نہیں رہے گی پھر |
| بعد میں سانس ٹوٹ جائے گی |
| وقت کی ریل چھوٹ جائے گی |
| بعد میں عمر بیت جائے گی |
| بعد میں موت جیت جائے گی |
| اک اور سال زندگی کا اب گزر گیا |
| میں اس سفر پہ دائمی آنکھوں سے تر گیا |
| صحرا نورد میں بنا بس بھوک کے لیے |
| یہ پیٹ تو بھرا نہیں پر میرا سر گیا |
| اب حال یہ ہے خود کو بھی پہچانتا نہیں |
| دیکھا جو آج آئینہ میں خود سے ڈر گیا |
| تم یہ کوشش کرو |
| خواب مرنے نہ دو |
| خواب مر جائیں تو |
| وہ پرندہ ہو جو |
| اُڑ نہ پائے کبھی |
| پر ہوں ٹوٹے سبھی |