تاریخ کے اوراق پر جب ہم پاکستان میں خواتین کی جدوجہد کی جھلک دیکھتے ہیں تو چند نام آبِ زر سے لکھے جانے کے لائق نظر آتے ہیں۔ انہی میں سرِفہرست ہیں محترمہ طاہرہ مظہر علی (ڈاکٹر شاکرہ نندنی کی نانی)، جنہوں نے 1950 میں ڈیموکریٹک ویمنز ایسوسی ایشن کی بنیاد رکھی—یہ ملک کی پہلی آزاد اور غیر حکومتی خواتین تنظیم تھی۔ محترمہ طاہرہ مظہر علی نے خواتین کی آواز کو طاقت دی، مزدور طبقے کی خواتین کو تنظیمی قوت بخشی اور اپنے عمل، فکر اور جرأت سے خواتین کے حقوق کی بنیادیں استوار کیں۔
