Circle Image

ہمراز ساجد

@sajica

چلو مل کے اقبال کو یاد کر لیں
نئے عزم سے دل کو آباد کر لیں
وہ شاعر جو مشرق کا تارا بنا تھا
وہ جس نے دلوں میں اجالا کیا تھا
جگایا جو سوتی ہوئی قوم کو تھا
دکھایا جو منزل کا رستہ ہمیں تھا

0
یہ مقدر کبھی مجھ سے روٹھا نہیں
رب کی رحمت کا دامن بھی چھوٹا نہیں
سنگِ رہ نے تراشا مری زیست کو
پائے ہمت کا پیمان ٹوٹا نہیں
اہلِ دنیا نے لوٹا ہے ظاہر مرا
گنجِ ایماں تو سینے سے لوٹا نہیں

0
4
اے مرے بھائی! کہاں جا کے بسایا ہے مکاں؟
وہ تجلّی نہ رہی جس سے تھا روشن یہ جہاں
سُوئے افلاک تِری رُوح نے پرواز کیا
ہم یہاں رہ گئے لاچار و غریب و بے اماں
قہقہوں کی تِری گونج اب بھی ہے دیواروں میں
تُو جدا ہم سے ہوا، رہ گئے حسرت ،ارماں

0
13
مجھ کو ضیائے معرفت جلوۂ آشکار کر
یا مری تیرہ خاک کو شعلۂ بے قرار کر
سجدۂ ناروا سے بچ، در پہ جھکا نہ اپنا سر
بندۂ حق بنا مجھے، حاکمِ روزگار کر
چھین لے عقلِ نارسا کا یہ فریب اور طلسم
قلب کو پھر سے محرمِ نغمۂ کوہسار کر

0
13
ہر طرف بازار میں نرخوں کا اک شور و فغاں ہے
آدمی کے بھاؤ لگنے کا سرِ ماتھا گماں ہے
بات جب بھی حق کی بولے کوئی سچّا آدمی تو
پوچھتے ہیں لوگ کس کا اور کہاں سے یہ بیاں ہے؟
دست و پا کو گرچہ بخشا ہے ہنر تعلیم نے بھی
دل اگر خالی ہے حق سے، پھر یہ کیسا اک جہاں ہے؟

0
10
ہمارے حالِ زبوں سے غافل، نہ پھیرو آنکھیں، بنا کے باتیں
فراق کی اب سہی نہ جائیں، ستم شعار و اداس راتیں
کبھی تو آؤ کہ چین پائے، رکے یہ طوفانِ درد و فرقت
الٹ گئی ہیں فراقِ فرقت میں دل کے ارمان کی بساطیں
طویل اتنی شبِ جدائی، کہ جیسے صدیاں سمٹ گئی ہوں
خوشی کی حسرت میں ڈھل رہی ہیں، کٹھن، اذیت بھری حیاتیں

0
17
ابلیس
ابتدا سے آج تک ہر سمت پھیلا ہے یہ دام

نسلِ آدم کو بنایا ہے ہوس کا اک غلام
میں نے ہی فرعون کو بخشا خدائی کا غرور

میں نے ہی قاروں کو سکھلایا خزانوں کا نظام
ہر زمانے میں نئے آذر، نئے بت خانے ہیں

0
15
آج اس کا تخت بھی اور تاج بھی ہے پاش پاش
ہو گیا دنیا پہ یوں اس بت کدے کا بھید فاش
بادشاہت کے صنم خانے کا یہ دستور ہے
آپ ہی معبود گھڑتا ہے یہاں کا بت تراش
کل جو تھا معبود، وہ ہے آج ٹھکرایا ہوا
بندگی ان کی ہے سودا، ہے خدائی بھی معاش

0
10
سینے میں آرزوؤں کے کتنے مزار دیکھ
بجھتے ہوئے چراغ ہیں، اجڑا دیار دیکھ
مردہ ہے آرزو تو ہے مردہ یہ زندگی
ہر آرزو کے دم سے ہے یہ کاروبار دیکھ
مٹی میں دب کے دانہ جو پھوٹا تو پیڑ ہے
دفنائی آرزو میں بھی آتی بہار دیکھ

0
14
بندۂ حق، رسولِ حق، تجھ پہ اتر گئی کتاب
تیری حیات سر بسر امتِ حق کا ہے نصاب
رتبۂ عبدہٗ ملا، اس سے بڑا شرف کہاں
رب کے حضور رات بھر، آنکھ میں اشکِ بے حساب
غارِ حرا کی خلوتیں، دشتِ عرب کی گرمیاں
جن سے اٹھا جہان میں فکر و نظر کا انقلاب

0
13
صبر کرو
دھوپ کڑی، راہ کٹھن، پاؤں تھکے، سانس رکی
یار گئے، ساتھ چھٹا، آنکھ بھری، شام ڈھلی
دیر سہی، رب کی رضا، ہوگی سحر، صبح نئی
صبر کرو، صبر کرو، صبر کرو، صبر کرو
ابر گھرا، چاند چھپا، تیز ہوا، دیپ بجھا

0
15
کرم ہوگا، وہی خالق نگہباں، حوصلہ رکھنا
وہی ہر درد کا، ہر غم کا درماں، حوصلہ رکھنا
اگر منجدھار میں کشتی ہو، طوفانوں سے مت ڈرنا
ٹلے گا اک نہ اک دن تو یہ طوفاں، حوصلہ رکھنا
اگر تنکا اڑا لے جائیں تیز آندھی کے جھونکے بھی
کھلیں گے پھول، مہکے گا گلستاں، حوصلہ رکھنا

0
9
خدا ہے نگہباں، رکھو حوصلہ
وہی غم کا درماں، رکھو حوصلہ
بھنور میں اگر ناؤ ڈولے تو کیا
ٹلے گا یہ طوفاں، رکھو حوصلہ
اگر آندھیوں نے اجاڑا چمن
کھلے گا گلستاں، رکھو حوصلہ

0
18
اپنے خواب مجھے دے دو
دل بے تاب مجھے دے دو
دیکھو نہ اس انداز سے تم
جامِ شراب مجھے دے دو
خوشیاں ساری تم رکھ لو
درد و عذاب مجھے دے دو

0
16
کہتا ہے مجھے ہند کے شملے کا سوامی
کیوں تجھ میں نظر آتی ہے کردار کی خامی؟
معبود ترا ایک ہے، باطل ہیں خدا سب
چھوڑی نہ مگر تو نے فرنگی کی غلامی!
پوشاک بھی اغیار کی، افکار بھی ان کے
باقی نہ رہی تجھ میں وہ تہذیبِ گرامی

0
32
اغیار کے در پر کبھی دستک نہیں دیتے
اللہ کے بندوں کو سہارا ہے اسی کا
قرآں میں ثنا خواں ہیں فرشتے بھی مسلسل
عالم پہ عیاں مرتبہ و جود نبی کا
محتاج کسی غیر کے ہو سکتے نہیں ہم
جب فضل و کرم شاملِ جاں ہو ہی خدا کا

0
23
کیوں مجھ کو ڈراتے ہو سمندر کے تلاطم سے
پانی پہ رقم کوئی تحریر نہیں ہوں میں
طوفاں کی ہواؤں سے جو بجھ جائے سرِ ساحل
وہ شمعِ زبوں، وہ شبِ بے پیر نہیں ہوں میں
آزاد ہے فطرت مری ہر دام و قفص سے
جو پاؤں جکڑ لے، وہ زنجیر نہیں ہوں میں

0
19
حاضر وہ یہاں بھی ہے اور اس کے نشاں وہاں بھی
گو آنکھ سے اوجھل ہے مگر ہے وہ عیاں بھی
رفعت میں ہے وہ خالقِ افلاک و معلیٰ
ہو پاس رگِ جاں کے، وہ دل کا ہے اماں بھی
پوشیدہ نہیں اس سے کوئی رازِ جہاں کا
سنتا ہے صدائیں وہ رہے کوئی جہاں بھی

0
20