| صبر کرو |
| دھوپ کڑی، راہ کٹھن، پاؤں تھکے، سانس رکی |
| یار گئے، ساتھ چھٹا، آنکھ بھری، شام ڈھلی |
| دیر سہی، رب کی رضا، ہوگی سحر، صبح نئی |
| صبر کرو، صبر کرو، صبر کرو، صبر کرو |
| ابر گھرا، چاند چھپا، تیز ہوا، دیپ بجھا |
| شیشۂ دل ٹوٹ گیا، ہر وہ سہارا جو ملا |
| رب ہے بڑا، سب کی سنے، اس سے کہو، لب پہ دعا |
| صبر کرو، صبر کرو، صبر کرو، صبر کرو |
| زخم ہرے، درد سوا، آنکھ میں اشکوں کا نگر |
| رات بڑی دیر سے ہے، دور بہت ہے یہ سحر |
| بیت ہی جائے گا یہ دکھ، ڈھل ہی چلا شب کا پہر |
| صبر کرو، صبر کرو، صبر کرو، صبر کرو |
| صبر کا پھل پاؤ گے تم، وعدۂ حق ہے یہ یقیں |
| ساتھ ہے صابر کے سدا ربِّ جہاں، حقِّ مبیں |
| رب کی معیت ہے اگر، ڈر کا گزر ہو ہی نہیں |
| صبر کرو، صبر کرو، صبر کرو، صبر کرو |
| گردشِ دوراں ہے تو کیا، دل کو سنبھالے ہی رہو |
| راہ میں کانٹے ہوں اگر، ہنس کے انھیں پار کرو |
| کہتے ہیں ہمرازؔ یہی، بات مری یاد رکھو |
| صبر کرو، صبر کرو، صبر کرو، صبر کرو |
معلومات