تقطیع، شاعری اور بلاگ

شائلہ تحسین

@Shaila

5 مئی
آزاد نظم

شائلہ تحسین
@Shaila

عجب پاگل سی لڑکی ہوں

کہ ان خوابوں کو چنتی ہوں

جنہیں پورا نہیں ہونا

میں وہ مانگتی ہوں جس کو

اذنِ باریابی ہی نہیں ملنا

میں ہونے اور نہ ہونے کی

عجب پاگل سی لڑکی ہوں

5 مئی
غزل

شائلہ تحسین
@Shaila

غم کے آغوش میں اے جان اتر جاؤں گی

زخم کھا کھا کے ترے ہجر میں مر جاؤں گی

تیرا احسان بھلا کر میں کدھر جاؤں گی

”تیرا احسان بھلاؤں گی تو مر جاؤں گی“

تیز رفتار مسافر ہوں گزر جاؤں گی

تو جو آواز مجھے دے گا ٹھہر جاؤں گی

غم کے آغوش میں اے جان اتر جاؤں گی

3 مئی
غزل

شائلہ تحسین
@Shaila

رب نے مری بساط سے بڑھ کر دیا مجھے

قطرے کی آرزو تھی سمندر دیا مجھے

اس دشتِ لا حساب میں بھٹکوں نہ اس لیے

ہر گام رہ دکھائے وہ رہبر دیا مجھے

تنہا جو اس دیار میں جینا محال تھا

پیار و وفا کے واسطے دلبر دیا مجھے

رب نے مری بساط سے بڑھ کر دیا مجھے

3 مئی
غزل

شائلہ تحسین
@Shaila

کیسا فسوں ہے دیکھ تری بات بات میں

ہنستی ہوں یاد کرکے تری بات رات میں

چلتا ہے کیا خبر نہیں کچھ شش جِہات میں

مژگانِ یار رہتی ہے بس دل کی گھات میں

تیرے سخن میں ہے لبِ جاں بخش کا مزہ

میں کیوں نہ ڈوب جاؤں اس آبِ حیات میں

کیسا فسوں ہے دیکھ تری بات بات میں

3 مئی
غزل

شائلہ تحسین
@Shaila

کیا بیر ہے بتا تجھے میرے کلام سے

کیوں تو گریز کرتا ہے میرے سلام سے

تو تو مجھے سمجھتا ہے بارِ گراں مگر

نخرے ترے اٹھاتی ہوں میں اہتمام سے

اس رہ گزر سے فارحہؔ اس کا گزر نہیں

کیوں اس کے انتظار میں بیٹھی ہو شام سے

کیا بیر ہے بتا تجھے میرے کلام سے

1 مئی
شعر

شائلہ تحسین
@Shaila

اک شخص میرے واسطے زندہ ہی مر گیا

الزام میری زلفِ پریشاں کے سر گیا

وہ معتبر کہاں تھا جو رہتا تمام عمر

نظروں سے گر کے دل سے بھی میرے اتر گیا

واعظ کا مے کدے پہ کچھ ایسا اثر ہوا

اب مے کدے میں شور ہے ساقی کدھر گیا

انسان زندہ رہ گئے کردار مر گیا

1 مئی
غزل

شائلہ تحسین
@Shaila

محفل میں ایک شخص جو سب سے حسین ہے

آخر ہے کیا سبب کہ وہ گوشہ نشین ہے

پھرتا ہے دربدر یونہی صحرا و دشت میں

لیکن وہ قیس لَیلیٰ کے دل کا مکین ہے

ہم اہلِ دل کو خواہشِ دیوار و در نہیں

چھت آسمان ہے تو بچھونا زمین ہے

محفل میں ایک شخص جو سب سے حسین ہے

30 اپریل
غزل

شائلہ تحسین
@Shaila

سانسیں خرید لوں تری باتیں خرید لوں

جینے کے واسطے تری یادیں خرید لوں

کرتا ہے خود پہ ناز کہ بکتا نہیں ہوں میں

کیا ہے تمہارا دام بتائیں خرید لوں

اس عہدِ بے وفائی میں یاروں کے واسطے

ملتی ہو گر کہیں تو وفائیں خرید لوں

سانسیں خرید لوں تری باتیں خرید لوں

30 اپریل
شعر

شائلہ تحسین
@Shaila

کہوں گی میں یہ سورج سے ذرا تاخیر کر لینا

کہ میرے یار کا اِس شام کو آنے کا وعدہ ہے

وعدہ

28 اپریل
شعر

شائلہ تحسین
@Shaila

کرتی ہوں اس کو پورا جو اک بار ٹھان لوں

لفظِ محال ہی نہیں میری لغات میں

عزم

28 اپریل
شعر

شائلہ تحسین
@Shaila

ہر شخص با وقار تھا بازارِ عشق میں

ہم محترم کہاں تھے جو کردار بیچتے

کردار

28 اپریل
غزل

شائلہ تحسین
@Shaila

سچ پوچھیے تو سب سے ضروری مرے لیے

ماضی کے غم کو دل سے بھلانے کی بات ہے

غمِ ماضی

28 اپریل
شعر

شائلہ تحسین
@Shaila

میں کون ہوں کہاں ہوں یہ مجھ کو نہیں خبر

قصہ مری حیات کا مجھ سے نہ پوچھئے

قصۂ حیات

28 اپریل
شعر

شائلہ تحسین
@Shaila

لگتا ہے میر دل میں دھڑکتا ہے زور سے

کرتی ہیں غم کا شائلہؔ اظہار اس طرح

اظہارِ غم

28 اپریل
شعر

شائلہ تحسین
@Shaila

کیوں اتنا اداس رہتی ہو آخر ہے کیا سبب

کیا انتظارِ جون ہے تم کو بھی فارحہؔ

انتظار

25 اپریل
غزل

شائلہ تحسین
@Shaila

خوابیدہ دل کو پہلے تو بیدار کردیا

اور پھر مرے وجود کو مسمار کردیا

تو جب نہیں تھا زندگی خوشحال تھی مری

آمد نے تیری اس کو بھی دشوار کردیا

میں زندگی کی شان میں لکھتی رہی غزل

اور زندگی نے مجھ کو ہی بیزار کردیا

خوابیدہ دل کو پہلے تو بیدار کردیا

21 اپریل
غزل

شائلہ تحسین
@Shaila

جو قیمتی تھا وقت گزارا کہاں کہاں

میں نے نہ جانے تم کو پکارا کہاں کہاں

بھٹکوں میں اس جہاں میں خدارا کہاں کہاں

لے جائے گا یہ مجھ کو ستارہ کہاں کہاں

غفلت زدہ ہوں ایسی کہ کچھ بھی خبر نہیں

مجھ کو ہوا ہے کتنا خسارہ کہاں کہاں