| رب نے مری بساط سے بڑھ کر دیا مجھے |
| قطرے کی آرزو تھی سمندر دیا مجھے |
| اس دشتِ لا حساب میں بھٹکوں نہ اس لیے |
| ہر گام رہ دکھائے وہ رہبر دیا مجھے |
| تنہا جو اس دیار میں جینا محال تھا |
| پیار و وفا کے واسطے دلبر دیا مجھے |
| ہر چیز با کمال دی ہر چیز بے مثال |
| کچھ بھی نہ اس دیار میں کم تر دیا مجھے |
| اغیار نے کبھی مجھے رسوا نہیں کیا |
| اپنوں نے ہی ہمیشہ یاں پتھر دیا مجھے |
| کرتے تھے لوگ مجھ سے بہت ناروا سلوک |
| اس نے ہی تو ہمیشہ گلِ تر دیا مجھے |
معلومات