| محفل میں ایک شخص جو سب سے حسین ہے |
| آخر ہے کیا سبب کہ وہ گوشہ نشین ہے |
| پھرتا ہے دربدر یونہی صحرا و دشت میں |
| لیکن وہ قیس لَیلیٰ کے دل کا مکین ہے |
| ہم اہلِ دل کو خواہشِ دیوار و در نہیں |
| چھت آسمان ہے تو بچھونا زمین ہے |
| ایسی مفارقت ہے یاں لیلی و قیس میں |
| جس طرح عین و قاف کے مابین شین ہے |
| کچھ لوگ زندگی میں یوں حائل ہیں فارحہؔ |
| جس طرح ملکِ چین میں دیوارِ چین ہے |
| رخصت بدن سے روح ہو اور لب پہ لا الہ |
| پھر موت بھی وہ فارحہ بے حد حسین ہے |
معلومات