| اک شخص میرے واسطے زندہ ہی مر گیا |
| الزام میری زلفِ پریشاں کے سر گیا |
| وہ معتبر کہاں تھا جو رہتا تمام عمر |
| نظروں سے گر کے دل سے بھی میرے اتر گیا |
| واعظ کا مے کدے پہ کچھ ایسا اثر ہوا |
| اب مے کدے میں شور ہے ساقی کدھر گیا |
| مرنے پہ بھی مرے انہیں ہرگز نہ ہوگا غم |
| احباب یہ کہیں گے کہ اب دردِ سر گیا |
| اس دورِ موج خیز میں یہ بھی ہے حادثہ |
| انسان زندہ رہ گئے کردار مر گیا |
| شاید اسے کسی سے محبت شدید تھی |
| اشعار میرے پڑھ کے جو با چشمِ تر گیا |
| جس کے دل و زباں پہ فقط تیرا نام تھا |
| اے فارحہؔ وہ جونؔ تو کب کا گزر گیا |
معلومات