| سانسیں خرید لوں تری باتیں خرید لوں |
| جینے کے واسطے تری یادیں خرید لوں |
| کرتا ہے خود پہ ناز کہ بکتا نہیں ہوں میں |
| کیا ہے تمہارا دام بتائیں خرید لوں |
| اس عہدِ بے وفائی میں یاروں کے واسطے |
| ملتی ہو گر کہیں تو وفائیں خرید لوں |
| آیا وہ مجھ سے ملنے شبِ ماہتاب میں |
| گر میرا بس چلے تو میں راتیں خرید لوں |
| کیسے بھی کاٹ لوں گی خزاؤں میں اپنے دن |
| تیرے لیے مگر میں بہاریں خرید لوں |
| تعریفِ حسنِ یار کی اظہار کے لیے |
| دنیا جہاں کی ساری زبانیں خرید لوں |
| اپنی تمام خوشیاں لٹا کر اے شائلؔہ |
| تیرے نصیب کی میں بلائیں خرید لوں |
معلومات