تقطیع، شاعری اور بلاگ

حیدر مرتضٰی

@haidermurtaza

Ghazal, Nazm, Salam

21 فروری 2026
غزل

حیدر مرتضٰی
@haidermurtaza

جب بھی لاہور سے ہجرت کا سوال آتا ہے

مجھکو رہ رہ کے فقط تیرا خیال آتا ہے

تیرے پہلو نے بچا رکھی ہے عزت اپنی

ورنہ خورشید پہ بھی وقتِ زوال آتا ہے

مصر والوں کو بتانا ہے حسیں کا مطلب

اب سرِ بزم مرا زہرہ جمال آتا ہے

لاہور سے ہجرت

12 فروری 2026
رباعی

حیدر مرتضٰی
@haidermurtaza

تونے بنیاد رکھی شہرِ مسیحائی کی

قید بدلے میں ملی قید بھی تنہائی کی

معجزہ ہو گا کوئی کرتہِ یوسف کے طفیل

ہے زمانے کو ضرورت تری بینائی کی

عمران خان کے نام

9 جنوری 2026
شعر

حیدر مرتضٰی
@haidermurtaza

کامیابی ہمارے قدم چوم لے

ہمکو بھیجا ہے مائوں نے سر چوم کر

3 جنوری 2026
منقبت

حیدر مرتضٰی
@haidermurtaza

رب کی مرضی یہ راج حیدر کا

رنگ کعبہ پہ آج حیدر کا

بولیں فضہ حبش کی شاہی کہاں

اور کہاں کام کاج حیدر کا

ڈر کے رہتی ہے خاک مرحب کی

دل کے خیبر پہ راج حیدر کا

رنگ کعبہ پہ آج حیدر کا

22 دسمبر 2025
غزل

حیدر مرتضٰی
@haidermurtaza

جب سے ہم تیرے پرستار ہوئے ہیں

جو مخالف تھے طرفدار ہوئے ہیں

دن کسی طور جو کٹتے ہی نہیں تھے

تیرا ملنا تھا کہ تہوار ہوئے ہیں

رنگ بے رنگ ہوا کرتے تھے پہلے

اس نے پہنے ہیں تو شہکار ہوئے ہیں

اب کہ ہم تیرے پرستار ہوئے ہیں

20 دسمبر 2025
غزل

حیدر مرتضٰی
@haidermurtaza

اسکا کچھ ایسے دعا لینا مرے شعروں سے

اپنی تقریر سجا لینا مرے شعروں سے

پوچھتے کیوں ہو مکیں کون ہے میرے دل کا

اسکی تصویر بنا لینا مرے شعروں سے

تیرا ڈمپل تری آنکھیں ترے ابرو ترے ہونٹ

خود کو آئینہ دکھا لینا مرے شعروں سے

اسکی تصویر بنا لینا مرے شعروں سے

10 دسمبر 2025
غزل

حیدر مرتضٰی
@haidermurtaza

بجھتی آنکھوں میں وہ تصویر اتارا کرنا

مجھکو معلوم ہے پتھر کو ستارا کرنا

دھوپ یہ دھوپ جلا دے نہ تمنا کے گلاب

اے پری رخ ذرا بادل کو اشارا کرنا

میرا مقصود ہے جنت میں فقط اتنا شرف

تیرے پہلو میں شب وروز گزارا کرنا

اے پری رخ ذرا بادل کو اشارا کرنا

4 دسمبر 2025
شعر

حیدر مرتضٰی
@haidermurtaza

مانا کہ ہو بہو ہے کوئی فرق بھی نہیں

لیکن جو بات تجھ میں ہے تصویر میں کہاں

اس نے گرائے بال تو جو معجزہ ہوا

قدرت کی آبشاروں کی تقدیر میں کہاں

ہوگی کہاں بیان ترے لب کی نازکی

حتی کہ شعر میر تقی میر میں کہاں

اس نے گرائے بال تو جو معجزہ ہوا

30 نومبر 2025
غزل

حیدر مرتضٰی
@haidermurtaza

بند دریا کو اسی کوزے میں کر لیتا ہوں

جب بھی ملتا ہے اسے آنکھ میں بھر لیتا ہوں

سامنا ہوتا نہیں بات بھی کر لیتا ہوں

عین پت جھڑ میں بہاروں کا اثر لیتا ہوں

جو چرا لائی ہیں خوشبو ئیں بدن کی اسکے

ایسی گستاخ ہوائوں کی خبر لیتا ہوں

غزل

29 نومبر 2025
شعر

حیدر مرتضٰی
@haidermurtaza

کوئی فردوس بھی گر تیرے مقابل رکھ دے

مجھکو معلوم ہے میں تیری طرف آئوں گا

اس پری زاد کے ہاتھوں میں ہیں باگیں میری

وہ بتائے گا کہ میں کسکی طرف آئوں گا

پھول لائیں گے سبھی سالگرہ پر اسکی

جاں ہتھیلی پہ لیے اسکی طرف آئوں گا

اشعار

23 نومبر 2025
غزل

حیدر مرتضٰی
@haidermurtaza

زخم پہ زخم سجا لگتا ہے

عشق مرا سچا لگتا ہے

آنکھ سے اوجھل ہو جائے تو

جان سے جسم جدا لگتا ہے

تجھ کو دیکھ کے گل کھلتے ہیں

نام بہاروں کا لگتا ہے

غزل

16 نومبر 2025
غزل

حیدر مرتضٰی
@haidermurtaza

آنکھ سے دوری کیسی دوری ہے

یہ جدائی فقط عبوری ہے

ایک لمحے کو مجھ سے بات کرو

ایک تازہ غزل ادھوری ہے

اس سے کہنی ہیں ان کہی باتیں

شعر کہنا بہت ضروری ہے

غزل

9 نومبر 2025
غزل

حیدر مرتضٰی
@haidermurtaza

وقت جیسے تھم گیا ہے اسکے گھر جانے کے بعد

سیڑھیاں خاموش ہیں اسکے اتر جانے کے بعد

زخم سارے بھر گئے تھے اس نے جیسے ہی کہا

اچھا دیکھو پھر ملیں گے زخم بھر جانے کے بعد

چال جن کی شاعری میں ہے امر وہ ہرنیاں

رقص میں رہتی ہیں تجھکو دیکھ کر جانے کے بعد

غزل

7 اپریل 2023
غزل

حیدر مرتضٰی
@haidermurtaza

تمہارے بھول جانے کی جسارت ہو نہیں سکتی

محبت بس محبت ہے تجارت ہو نہیں سکتی

یہاں دستور ٹھہرا ہے مسلسل سنگ باری کا

یہاں تعمیر شیشے کی عمارت ہو نہیں سکتی

جلا ہے حسرتوں کا گھر کسی دشمن کی سازش سے

کسی معصوم بچے کی شرارت ہو نہیں سکتی

غزل

5 نومبر 2025
موزوں

حیدر مرتضٰی
@haidermurtaza

سبز گنبد کے مکیں تک آ گیا

آسماں دیکھو زمیں تک آ گیا

چاند چھپ جائے گا آقا جب کبھی

آپ کے نورِ جبیں تک آ گیا

رک گئے سدرہ پہ جبریلِ امیں

اور وہ پردہ نشیں تک آ گیا