مشہور شاعروں کے کلام سے انتخاب

23 دسمبر
غزل

جون ایلیا

سر ہی اب پھوڑیے ندامت میں

نیند آنے لگی ہے فرقت میں

ہیں دلیلیں ترے خلاف مگر

سوچتا ہوں تری حمایت میں

روح نے عشق کا فریب دیا

جسم کو جسم کی عداوت میں

سر ہی اب پھوڑیے ندامت میں

فاعِلاتن مفاعِلن فِعْلن

164

23 دسمبر
غزل

جون ایلیا

چلو بادِ بہاری جا رہی ہے

پیا جی کی سواری جا رہی ہے

شمالِ جاودانِ سبز جاں سے

تمنا کی عماری جا رہی ہے

فغاں اے دشمنِ دارِ دل و جاں

مری حالت سدھاری جا رہی ہے

چلو بادِ بہاری جا رہی ہے

مفاعیلن مفاعیلن فَعُولن

644

23 دسمبر
غزل

جون ایلیا

حالتِ حال کے سبب حالتِ حال ہی گئی

شوق میں کچھ نہیں گیا شوق کی زندگی گئی

تیرا فراق جان جاں عیش تھا کیا مرے لیے

یعنی ترے فراق میں خوب شراب پی گئی

تیرے وصال کے لیے اپنے کمال کے لیے

حالتِ دل کہ تھی خراب اور خراب کی گئی

حالت حال کے سبب حالت حال ہی گئی

مفتَعِلن مفاعِلن مفتَعِلن مفاعِلن

749

23 دسمبر
غزل

جون ایلیا

اک ہنر ہے جو کر گیا ہوں میں

سب کے دل سے اتر گیا ہوں میں

کیسے اپنی ہنسی کو ضبط کروں

سن رہا ہوں کہ گھر گیا ہوں میں

کیا بتاؤں کہ مر نہیں پاتا

جیتے جی جب سے مر گیا ہوں میں

اک ہنر ہے جو کر گیا ہوں میں

فاعِلاتن مفاعِلن فِعْلن

130

23 دسمبر
غزل

جون ایلیا

بے قراری سی بے قراری ہے

وصل ہے اور فراق طاری ہے

جو گزاری نہ جا سکی ہم سے

ہم نے وہ زندگی گزاری ہے

نہ گھرے کیا ہوئے کہ لوگوں پر

اپنا سایہ بھی اب تو بھاری ہے

بے قراری سی بے قراری ہے

فاعِلاتن مفاعِلن فِعْلن

374

23 دسمبر
غزل

جون ایلیا

دل جو ہے آگ لگا دوں اس کو

اور پھر خود ہی ہوا دوں اس کو

جو بھی ہے اس کو گنوا بیٹھا ہے

میں بھلا کیسے گنوا دوں اس کو

تجھ گماں پر جو عمارت کی تھی

سوچتا ہوں کہ میں ڈھا دوں اس کو

دل جو ہے آگ لگا دوں اس کو

فاعِلاتن فَعِلاتن فِعْلن

655

23 دسمبر
غزل

علامہ اقبال

اگر کج رو ہیں انجم آسماں تیرا ہے یا میرا

مجھے فکرِ جہاں کیوں ہو جہاں تیرا ہے یا میرا

اگر ہنگامہ ہائے شوق سے ہے لا مکاں خالی

خطا کس کی ہے یا رب لا مکاں تیرا ہے یا میرا

اسے صبحِ ازل انکار کی جرأت ہوئی کیوں کر

مجھے معلوم کیا وہ رازداں تیرا ہے یا میرا

اگر کج رو ہیں انجم آسماں تیرا ہے یا میرا

مفاعیلن مفاعیلن مفاعیلن مفاعیلن

402

23 دسمبر
غزل

علامہ اقبال

خودی وہ بحر ہے جس کا کوئی کنارہ نہیں

تو آب جو اسے سمجھا اگر تو چارہ نہیں

طلسم گنبد گردوں کو توڑ سکتے ہیں

زجاج کی یہ عمارت ہے سنگ خارہ نہیں

خودی میں ڈوبتے ہیں پھر ابھر بھی آتے ہیں

مگر یہ حوصلۂ مرد ہیچ کارہ نہیں

خودی وہ بحر ہے جس کا کوئی کنارہ نہیں

مفاعِلن فَعِلاتن مفاعِلن فِعْلن

733

16 نومبر
نظم

جوش ملیح آبادی

اے فنا انجام انساں کب تجھے ہوش آئے گا

تیر گی میں ٹھوکریں آخر کہاں تک کھائے گا

اس تمرد کی روش سے بھی کبھی شرمائے گا

کیا کرے گا سامنے سے جب حجاب اٹھ جائے گا

کب تک آخر اپنے رب کی نعمتیں جھٹلائے گا

☆ ☆ ☆

سورۂ رحمٰن

فاعِلاتن فاعِلاتن فاعِلاتن فاعِلن

752

29 جولائی
نظم

جوش ملیح آبادی

کیا شعلۂ طرّار وہ اللہُ غنی ہے

کیا لرزشِ تابندگیِ سیم تنی ہے

رشکِ مہِ کنعاں ہے غزالِ خُتنی ہے

افشاں ہے کہ آمادگیِ دُر شکنی ہے

تاروں میں بپا غلغلۂ سینہ زنی ہے

کیا گل بدنی گل بدنی گل بدنی ہے

گل بدنی

مفعول مفاعیل مفاعیل فَعُولن

792

29 جولائی
غزل

غلام ہمدانی مصحفی

نہ وہ راتیں نہ وہ باتیں نہ وہ قصّہ کہانی ہے

فقط اک ہم ہیں بستر پر پڑے اور ناتوانی ہے

بھلا میں ہاتھ دھو بیٹھوں نہ اپنی جان سے کیوں کر

خرام اس کے میں اک آبِ رواں کی سی روانی ہے

تو یوں بے پردہ ہو جایا نہ کر ہر ایک کے آگے

نیا عالم ہے تیرا اور نئی کافر جوانی ہے

نہ وہ راتیں نہ وہ باتیں نہ وہ قصّہ کہانی ہے

مفاعیلن مفاعیلن مفاعیلن مفاعیلن

2209

18 ستمبر
شعر

مرزا غالب

آتے ہیں غیب سے یہ مضامیں خیال میں

غالب صریر ِخامہ نوائے سروش ہے

آتے ہیں غیب سے یہ مضامیں خیال میں

مفعول فاعلات مفاعیل فاعِلن

777

29 جولائی
غزل

مرزا غالب

رہا گر کوئی تا قیامت سلامت

پھر اک روز مرنا ہے حضرت سلامت

جگر کو مرے عشقِ خوں نابہ مشرب

لکھے ہے 'خداوندِ نعمت سلامت'

علیَ اللّرغمِ دشمن، شہیدِ وفا ہوں

مبارک مبارک سلامت سلامت

رہا گر کوئی تا قیامت سلامت

فَعُولن فَعُولن فَعُولن فَعُولن

622

29 جولائی
غزل

ناصر کاظمی

دیارِ دل کی رات میں چراغ سا جلا گیا

مِلا نہیں تو کیا ہوا وہ شکل تو دکھا گیا

جدائیوں کے زخم دردِ زندگی نے بھر دیئے

تجھے بھی نیند آ گئی مجھے بھی صبر آ گیا

یہ صبح کی سفیدیاں یہ دو پہر کی زردیاں

اب آئینے میں دیکھتا ہوں میں کہاں چلا گیا

دیارِ دل کی رات میں چراغ سا جلا گیا

مفاعِلن مفاعِلن مفاعِلن مفاعِلن

2609

29 جولائی
غزل

مرزا غالب

کوئی دن گر زندگانی اور ہے

اپنے جی میں ہم نے ٹھانی اور ہے

آتشِ دوزخ میں یہ گرمی کہاں

سوزِ غم ہائے نہانی اور ہے

بارہا دیکھی ہیں ان کی رنجشیں

پر کچھ اب کے سر گرانی اور ہے

کوئی دن گر زندگانی اور ہے

فاعِلاتن فاعِلاتن فاعِلن

3017

29 جولائی
غزل

مرزا غالب

جز قیس اور کوئی نہ آیا بروئے کار

صحرا، مگر، بہ تنگیِ چشمِ حُسود تھا

آشفتگی نے نقشِ سویدا کیا درست

ظاہر ہوا کہ داغ کا سرمایہ دود تھا

تھا خواب میں خیال کو تجھ سے معاملہ

جب آنکھ کھل گئی نہ زیاں تھا نہ سود تھا

جز قیس اور کوئی نہ آیا بروئے کار

مفعول فاعلات مفاعیل فاعِلن

2527

29 جولائی
غزل

جوش ملیح آبادی

ملا جو موقع تو روک دوں گا جلال روزِ حساب تیرا

پڑھوں گا رحمت کا وہ قصیدہ کہ ہنس پڑے گا عتاب تیرا

یہی تو ہیں دو ستُونِ محکم انہی پہ قائم ہے نظمِ عالم

یہی تو ہے رازِ خُلد و آدم ،نگاہ میری، شباب تیرا

صبا تصدّق ترےنفس پر ،چمن ترے پیرہن پہ قرباں

شمیمِ دوشیزگی میں کیسا بسا ہوا ہے شباب تیرا

ملا جو موقع تو روک دوں گا جلال روزِ حساب تیرا

مَفاعلاتن مَفاعلاتن مَفاعلاتن مَفاعلاتن

1897

29 جولائی
غزل

مرزا غالب

کہتے تو ہو تم سب کہ بتِ غالیہ مو آئے

یک مرتبہ گھبرا کے کہو کوئی "کہ وو آئے"

ہوں کش مکشِ نزع میں ہاں جذبِ محبّت

کچھ کہہ نہ سکوں، پر وہ مرے پوچھنے کو آئے

ہے صاعقہ و شعلہ و سیماب کا عالم

آنا ہی سمجھ میں مری آتا نہیں، گو آئے

کہتے تو ہو تم سب کہ بتِ غالیہ مو آئے

مفعول مفاعیل مفاعیل فَعُولن

1343

29 جولائی
غزل

ابنِ انشاء

انشا جی اٹھو اب کوچ کرو اس شہر میں جی کا لگانا کیا

وحشی کو سکوں سے کیا مطلب جوگی کا نگر میں ٹھکانا کیا

جب شہر کے لوگ نہ رستہ دیں کیوں بن میں نہ جا بسرام کرے

دیوانوں کی سی نہ بات کرے تو اور کرے دیوانہ کیا

شب بیتی چاند بھی ڈوب چلا زنجیر پڑی دروازے پر

کیوں رات گئے گھر آئے ہو سجنی سے کرو گے بہانہ کیا

انشا جی اٹھو اب کوچ کرو اس شہر ميں جی کو لگانا کيا

بحرِ زمزمہ/ متدارک مثمن مضاعف

2036

18 جنوری
غزل

میرا جی

چاند ستارے قید ہیں سارے وقت کے بندی خانے میں

لیکن میں آزاد ہوں ساقی چھوٹے سے پیمانے میں

عمر ہے فانی عمر ہے باقی اس کی کچھ پروا ہی نہیں

تو یہ کہہ دے وقت لگے گا کتنا آنے جانے میں

تجھ سے دوری دوری کب تھی پاس اور دور تو دھوکا ہیں

فرق نہیں انمول رتن کو کھو کر پھر سے پانے میں

چاند ستارے قید ہیں سارے وقت کے بندی خانے میں

بحرِ ہندی/ متقارب مثمن مضاعف

593