مشہور شاعروں کے کلام سے انتخاب

23 دسمبر
نظم

احمد فراز

مرے غنیم نے مجھ کو پیام بھیجا ہے

کہ حلقہ زن ہیں مرے گرد لشکری اس کے

فصیل شہر کے ہر برج ہر منارے پر

کماں بہ دست ستادہ ہیں عسکری اس کے

☆ ☆ ☆

وہ برق لہر بجھا دی گئی ہے جس کی تپش

محاصرہ

مفاعِلن فَعِلاتن مفاعِلن فِعْلن

438

29 جولائی
غزل

علامہ اقبال

یا رب! دلِ مسلم کو وہ زندہ تمنّا دے

جو قلب کو گرما دے، جو روح کو تڑپا دے

پھر وادیِ فاراں کے ہر ذرّے کو چمکا دے

پھر شوقِ تماشا دے، پھر ذوقِ تقاضا دے

محرومِ تماشا کو پھر دیدۂ بینا دے

دیکھا ہے جو کچھ میں نے اوروں کو بھی دِکھلا دے

یا رب! دلِ مسلم کو وہ زندہ تمنّا دے

مفعول مفاعیلن مفعول مفاعیلن

2378

22 مئی
غزل

افتخار عارف

مرے خدا مجھے اتنا تو معتبر کر دے

میں جس مکان میں رہتا ہوں اس کو گھر کر دے

یہ روشنی کے تعاقب میں بھاگتا ہوا دن

جو تھک گیا ہے تو اب اس کو مختصر کر دے

میں زندگی کی دعا مانگنے لگا ہوں بہت

جو ہو سکے تو دعاؤں کو بے اثر کر دے

مرے خدا مجھے اتنا تو معتبر کر دے

مفاعِلن فَعِلاتن مفاعِلن فِعْلن

465

29 جولائی
نظم

افتخار عارف

شرف کے شہر میں ہر بام و در حسینؑ کا ہے

زمانے بھر کے گھرانوں میں گھر حسینؑ کا ہے

فراتِ وقتِ رواں! دیکھ سوئے مقتل دیکھ

جو سر بلند ہے اب بھی وہ سر حسینؑ کا ہے

زمین کھا گئی کیا کیا بلند و بالا درخت

ہرا بھرا ہے جو اب بھی شجر حسینؑ کا ہے

شرف کے شہر میں ہر بام و در حسینؑ کا ہے

مفاعِلن فَعِلاتن مفاعِلن فِعْلن

2615

29 جولائی
غزل

فیض احمد فیض

ستم سکھلائے گا رسمِ وفا، ایسے نہیں ہوتا

صنم دکھلائيں گے راہِ خدا، ایسے نہیں ہوتا

گنو سب حسرتیں جو خوں ہوئی ہیں تن کے مقتل میں

مرے قاتل حسابِ خوں بہا ، ایسے نہیں ہوتا

جہانِ دل میں کام آتی ہیں تدبیریں نہ تعزیریں

یہاں پیمانِ تسلیم و رضا ایسے نہیں ہوتا

ستم سکھلائے گا رسمِ وفا، ایسے نہیں ہوتا

مفاعیلن مفاعیلن مفاعیلن مفاعیلن

2554

29 جولائی
نظم

جوش ملیح آبادی

بنا ہے کون، الٰہی، یہ کارواں سالار؟

کہ اہلِ قافلہ مبہوت ہیں، دِرا خاموش

یہ کس کے رعب نے گُدّی سے کھینچ لی ہے زباں؟

کہ باوقار ہیں لب بستہ، بے نوا خاموش

لدا ہوا ہے سروں پر مہیب سناٹا

ہوا کے پاؤں میں زنجیر ہے، فضا خاموش

مہیب سناٹا

مفاعِلن فَعِلاتن مفاعِلن فِعْلن

1517

27 دسمبر
آزاد نظم

افتخار عارف

عجب گھڑی تھی

کتاب کیچڑ میں گر پڑی تھی

چمکتے لفظوں کی میلی آنکھوں میں الجھے آنسو بلا رہے تھے

مگر مجھے ہوش ہی کہاں تھا

نظر میں اک اور ہی جہاں تھا

نئے نئے منظروں کی خواہش میں اپنے منظر سے کٹ گیا ہوں

بدشگونی

مَفاعلاتن مَفاعلاتن مَفاعلاتن مَفاعلاتن

1446

29 جولائی
غزل

بہادر شاہ ظفر

کہوں کیا رنگ اس گل کا، اہا ہا ہا اہا ہا ہا

ہوا رنگیں چمن سارا، اہا ہا ہا اہا ہا ہا

نمک چھڑکے ہے وہ کس کس مزے سے دل کے زخموں پر

مزے لیتا ہوں میں کیا کیا، اہا ہا ہا، اہا ہا ہا

خدا جانے حلاوت کیا تھی آبِ تیغِ قاتل میں

لبِ ہر زخم ہے گویا، اہا ہا ہا، اہا ہا ہا

کہوں کیا رنگ اس گل کا، اہا ہا ہا اہا ہا ہا

مفاعیلن مفاعیلن مفاعیلن مفاعیلن

2477

29 جولائی
غزل

جوش ملیح آبادی

حیرت ہے، آہِ صبح کو ساری فضا سنے

لیکن زمیں پہ بت، نہ فلک پر خدا سنے

فریادِ عندلیب سے کانپے تمام باغ

لیکن نہ گل، نہ غنچہ، نہ بادِ صبا سنے

خود اپنی ہی صداؤں سے گونجے ہوئے ہیں کان

کوئی کسی کی بات سنے بھی تو کیا سنے

حیرت ہے، آہِ صبح کو ساری فضا سنے

مفعول فاعلات مفاعیل فاعِلن

2213

7 جنوری
غزل

میر تقی میر

بارے دنیا میں رہو غم زدہ یا شاد رہو

ایسا کچھ کر کے چلو یاں کہ بہت یاد رہو

عشق پیچے کی طرح حسن گرفتاری ہے

لطف کیا سرو کی مانند گر آزاد رہو

ہم کو دیوانگی شہروں ہی میں خوش آتی ہے

دشت میں قیس رہو کوہ میں فرہاد رہو

بارے دنیا میں رہو غم زدہ یا شاد رہو

فاعِلاتن فَعِلاتن فَعِلاتن فَعِلن

559

23 دسمبر
غزل

جون ایلیا

کس سے اظہار مدعا کیجے

آپ ملتے نہیں ہیں کیا کیجے

ہو نہ پایا یہ فیصلہ اب تک

آپ کیجے تو کیا کیا کیجے

آپ تھے جس کے چارہ گر وہ جواں

سخت بیمار ہے دعا کیجے

کس سے اظہار مدعا کیجے

فاعِلاتن مفاعِلن فِعْلن

562

23 دسمبر
غزل

جون ایلیا

عمر گزرے گی امتحان میں کیا

داغ ہی دیں گے مجھ کو دان میں کیا

میری ہر بات بے اثر ہی رہی

نقص ہے کچھ مرے بیان میں کیا

مجھ کو تو کوئی ٹوکتا بھی نہیں

یہی ہوتا ہے خاندان میں کیا

عمر گزرے گی امتحان میں کیا

فاعِلاتن مفاعِلن فِعْلن

295

23 دسمبر
غزل

جون ایلیا

ٹھیک ہے خود کو ہم بدلتے ہیں

شکریہ مشورت کا چلتے ہیں

ہو رہا ہوں میں کس طرح برباد

دیکھنے والے ہاتھ ملتے ہیں

ہے وہ جان اب ہر ایک محفل کی

ہم بھی اب گھر سے کم نکلتے ہیں

ٹھیک ہے خود کو ہم بدلتے ہیں

فاعِلاتن مفاعِلن فِعْلن

229

23 دسمبر
غزل

جون ایلیا

ایذا دہی کی داد جو پاتا رہا ہوں میں

ہر ناز آفریں کو ستاتا رہا ہوں میں

اے خوش خرام پاؤں کے چھالے تو گن ذرا

تجھ کو کہاں کہاں نہ پھراتا رہا ہوں میں

اک حسن بے مثال کی تمثیل کے لیے

پرچھائیوں پہ رنگ گراتا رہا ہوں میں

ایذا دہی کی داد جو پاتا رہا ہوں میں

مفعول فاعلات مفاعیل فاعِلن

1069

23 دسمبر
غزل

جون ایلیا

ایک ہی مژدہ صبح لاتی ہے

دھوپ آنگن میں پھیل جاتی ہے

رنگ موسم ہے اور باد صبا

شہر کوچوں میں خاک اڑاتی ہے

فرش پر کاغذ اڑتے پھرتے ہیں

میز پر گرد جمتی جاتی ہے

ایک ہی مژدہ صبح لاتی ہے

فاعِلاتن مفاعِلن فِعْلن

162

23 دسمبر
غزل

جون ایلیا

تو بھی چپ ہے میں بھی چپ ہوں یہ کیسی تنہائی ہے

تیرے ساتھ تری یاد آئی کیا تو سچ مچ آئی ہے

شاید وہ دن پہلا دن تھا پلکیں بوجھل ہونے کا

مجھ کو دیکھتے ہی جب اس کی انگڑائی شرمائی ہے

اس دن پہلی بار ہوا تھا مجھ کو رفاقت کا احساس

جب اس کے ملبوس کی خوشبو گھر پہنچانے آئی ہے

تو بھی چپ ہے میں بھی چپ ہوں یہ کیسی تنہائی ہے

بحرِ ہندی/ متقارب مثمن مضاعف

537

23 دسمبر
غزل

جون ایلیا

ابھی اک شور سا اٹھا ہے کہیں

کوئی خاموش ہو گیا ہے کہیں

ہے کچھ ایسا کہ جیسے یہ سب کچھ

اس سے پہلے بھی ہو چکا ہے کہیں

تجھ کو کیا ہو گیا کہ چیزوں کو

کہیں رکھتا ہے ڈھونڈھتا ہے کہیں

ابھی اک شور سا اٹھا ہے کہیں

فاعِلاتن مفاعِلن فِعْلن

145

23 دسمبر
غزل

جون ایلیا

اپنے سب یار کام کر رہے ہیں

اور ہم ہیں کہ نام کر رہے ہیں

تیغ بازی کا شوق اپنی جگہ

آپ تو قتل عام کر رہے ہیں

داد و تحسین کا یہ شور ہے کیوں

ہم تو خود سے کلام کر رہے ہیں

اپنے سب یار کام کر رہے ہیں

فاعِلاتن مفاعِلن فِعْلن

228

23 دسمبر
غزل

جون ایلیا

تمہارا ہجر منا لوں اگر اجازت ہو

میں دل کسی سے لگا لوں اگر اجازت ہو

تمہارے بعد بھلا کیا ہیں وعدہ و پیماں

بس اپنا وقت گنوا لوں اگر اجازت ہو

تمہارے ہجر کی شب ہائے کار میں جاناں

کوئی چراغ جلا لوں اگر اجازت ہو

تمہارا ہجر منا لوں اگر اجازت ہو

مفاعِلن فَعِلاتن مفاعِلن فِعْلن

910

23 دسمبر
غزل

جون ایلیا

آدمی وقت پر گیا ہوگا

وقت پہلے گزر گیا ہوگا

وہ ہماری طرف نہ دیکھ کے بھی

کوئی احسان دھر گیا ہوگا

خود سے مایوس ہو کے بیٹھا ہوں

آج ہر شخص مر گیا ہوگا

آدمی وقت پر گیا ہوگا

فاعِلاتن مفاعِلن فِعْلن

177