تقطیع، شاعری اور بلاگ

شیخ الطاف

@sheikhayaab

6 جنوری 2026
غزل

شیخ الطاف
@sheikhayaab

خود کو جتنا خرچ کِیا ہے ہم نے سخن آرائی میں

اِتنا وقت نہیں لگنا تھا زخموں کی تُرپائی میں

کِتنا گہرا گھاؤ لگا تھا آخر اُس دیوانے کو

جس نے خود کو پھینک دیا ہے اِتنی گہری کھائی میں

اب تک دنیا کی آنکھوں نے شاید اِتنے دیکھے نئیں

جتنے موسم آ سمٹے ہیں اُس کی اک انگڑائی میں

غزل

6 ستمبر 2025
غزل

شیخ الطاف
@sheikhayaab

یہ بات سمجھنے میں کئی سال لگے ہیں

کچھ اور ہمیں ہونا تھا کچھ اور ہوۓ ہیں

پوچھو تو مرے یار ہیں اچھے بھی برے بھی

دیکھو تو مرے یار نہ اچھے نہ برے ہیں

جاتے ہوئے سب لوگوں کو میں دیکھ رہا ہوں

جاتے ہوئے سب لوگ اُسے دیکھ رہے ہیں

غزل

14 نومبر 2024
غزل

شیخ الطاف
@sheikhayaab

بس دِن گزارتا ہوں میں اِس اجنبی کے ساتھ،

رشتہ نہیں ہے کوئی مرا زندگی کے ساتھ۔

میں روشنی کے سنگ نہیں، چل سکا کبھی،

چلتا ہے جس یقین سے وہ تیرگی کے ساتھ۔

احوال ایک دوجے سے ہم کیسے پوچھتے،

میں بھی کسی کے ساتھ تھا،وہ بھی کسی کے ساتھ۔

غزل

27 اکتوبر 2023
غزل

شیخ الطاف
@sheikhayaab

تم نے جو قَہْقَہَہ اُچھالا ہے

میرے اندر کا ڈر نِکالا ہے

نیند غائب ہے گاؤں والوں کی

رات سے آسمان کالا ہے

وحشتیں، بے کسی، یہ ویرانی

دشت نے کیا نہیں سنبھالا ہے

آج مجھ سے خدا مخاطب ہے

27 اکتوبر 2023
غزل

شیخ الطاف
@sheikhayaab

تُو اُٹھا پائمال پتھر ایک

آسماں میں اُچھال پتھر ایک

دے رہا ہے جواب سر میرا

کر رہا ہے سوال پتھر ایک

میری دیوار میں نہیں آتا

ہائے! وہ بے مِثال پتھر ایک

میرا پرسانِ حال پتھر ایک

27 اکتوبر 2023
غزل

شیخ الطاف
@sheikhayaab

مریضِ ہجر سنیں، پاس پاس ہو جائیں

اُداس شام ہے،سارے اُداس ہو جائیں

یہ مسئلہ ہے، اُداسی اُداس ہوتی ہے

فقیر لوگ اگر خوش لِباس ہو جائیں

ابھی گلے ملو ہم سے، کسے خبر ہے کہ کل

ہم اپنے آپ سے ہی نا شَناس ہو جائیں

میں اس مقام پہ پہنچا ہوں عشق میں الطاف

27 اکتوبر 2023
غزل

شیخ الطاف
@sheikhayaab

جو کسی طور نہ تھا دل کو گوارا یارا

مجھ کو اُس درد نے کس درجہ نِکھارا یارا

آخِرش چارہ گروں نے تمہیں تجویز کِیا

جب بگڑتا ہی گیا حال ہمارا یارا

میں اُترتا ہوں خیالوں کے سمندر میں اگر

طنز کرتا ہے حقیقت کا کنارا یارا

مجھ کو اُس درد نے کس درجہ نکھارا یارا

20 مارچ 2023
غزل

شیخ الطاف
@sheikhayaab

ہم اُنہیں صاحبِ گفتار نہیں کہہ سکتے،

جو ترے حسن پہ اشعار نہیں کہہ سکتے۔

آپ دشوار کو آسان بھلے کہتے رہیں،

آپ آسان کو دشوار نہیں کہہ سکتے۔

نا تو سر پھوڑا نہ ہی دشتِ الم میں بھٹکے،

اِن کو بلکل بھی عزادار نہیں کہہ سکتے۔

اشعار نہیں کہہ سکتے

7 فروری 2023
غزل

شیخ الطاف
@sheikhayaab

اِس طرح دیکھ رہا ہے کوئی حیرانی سے،

جیسے پہچان ہی لے گا مجھے آسانی سے۔

مجھ سے ملنے کوئی آۓ تو یہ کہنا اس سے،

لوٹ جاۓ نہ ملے اپنی پشیمانی سے۔

رونقیں راس نہیں آئیں مجھے کیا کرتا،

مشورہ کر لیا پھر بعد میں ویرانی سے۔

اس طرح دیکھ رہا ہے کوئ حیرانی سے

20 جنوری 2023
غزل

شیخ الطاف
@sheikhayaab

جتنے چہرے بھی جہاں میں مجھے بیزار ملے

با خدا سارے محبت میں گرفتار ملے

کیا غضب ڈھا گیا اِس بار کا سیلاب یہاں

جو تھے اِس پار کے باشندے وہ اُس پار ملے

اُس سے کہنا مرے الفاظ مجھے لوٹا دے

گر کہیں راہ میں وہ ماہرِ گفتار ملے

با خدا سارے محبت میں گرفتار ملے

128

19 جنوری 2023
غزل

شیخ الطاف
@sheikhayaab

سیکھیے ضبط،سبھی زخم چھپاتے رہیے

آہ نکلے تو اُسے شعر بناتے رہیے

کسی صورت نہ یہ مٹّی رہے بیکار کبھی

بھول مرجھا چلیں تو خار لگاتے رہیے

عشق کا قحط نہ پڑ جائے کہیں دنیا میں

یہ گزارش ہے کہ فرہاد بناتے رہیے

شور مچاتے رہیے

8 جنوری 2023
غزل

شیخ الطاف
@sheikhayaab

اُس کی سانسوں نے غضب شور مچاۓ رکھا،

خود بھلے سو گیا پر فون لگاۓ رکھا۔

جب کہ ہر یاد مٹا دی تھی،نہ جانے کیوں پھر،

ایک تصویر کو بٹوے میں چِھپاۓ رکھا ۔

ویسے انساں سے مخاطب بھی نہیں ہوتا میں ،

حضرتِ دل نے جسے سر پہ بِٹھاۓ رکھا۔

اُس کی سانسوں نے غضب شور مچاۓ رکھا

11 اکتوبر 2022
غزل

شیخ الطاف
@sheikhayaab

اب کسی سے نہیں ملوں گا میں

رات ہو دن یہیں رہوں گا میں

اِس لیے بولنے نہیں دیتے

جانتے ہیں کہ سچ کہوں گا میں

پھول بننا اگر نصیب ہوا

ترے آنگن میں ہی کھلوں گا میں

جانتے ہیں کہ سچ کہوں گا میں

103

9 اکتوبر 2022
غزل

شیخ الطاف
@sheikhayaab

دیر تک پہلے وفا میں ہم رہے

بعد میں خاصی انا میں ہم رہے

دشمنوں سے پھر گلا ہی کیا رہا

دوستوں کی جب جفا میں ہم رہے

زلف کھولے تو ڈرا ہی دے تجھے

اس طرح کی اک بلا میں ہم رہے

دوستوں کی جب جفا میں ہم رہے

4 اکتوبر 2022
موزوں

شیخ الطاف
@sheikhayaab

جدا ہو کے ،بھی ہم سے پیار کرتا ہے

کہیں بھی دیکھ لے وہ وار کرتا ہے

الگ یہ بات وہ نبھاتا اک نہیں

مگر وہ وعدے اک ہزار کرتا ہے

یہ سچ ہے خوب چاہتا ہے مجھ کو پر

وہ ظلم بھی تو بے شمار کرتا ہے

یہ کون ہے جو انتظار کرتا ہے

4 اکتوبر 2022
غزل

شیخ الطاف
@sheikhayaab

خبر یہ ملی تھی جفا مسئلہ ہے

مگر دیکھتا ہوں انا مسئلہ ہے

میاں عشق تو ہے بلا کا ہے لیکن

وہ جس سے ہے اس کی رضا مسئلہ ہے

مجھے موت سے ڈر نہیں لگتا لیکن

نمازیں ہوئی ہیں قضا مسئلہ ہے

خبر یہ ملی تھی جفا مسئلہ ہے

4 اکتوبر 2022
غزل

شیخ الطاف
@sheikhayaab

نۓ زمانوں کا کیا کروں گا

میں قید خانوں کا کیا کروں گا

جو دفن ہم نے کبھی کۓ تھے

میں اُن خزانوں کا کیا کروں گے

جو تیرے ناخون سے لگے ہیں

میں اُن نشانوں کا کیا کروں گا

میں قید خانوں کا کیا کروں گا

3 ستمبر 2022
غزل

شیخ الطاف
@sheikhayaab

روشنی میں جگنو لایا جا رہا ہے

آئنے کو کیا دکھایا جا رہا ہے

یہ دھواں سا کیا اٹھایا جا رہا ہے

آگ کو کیوں آزمایا جا رہا ہے

کون ہے جو دے کے دستک چھپ گیا ہے

کیوں مجھے یوں ہی ستایا جا رہا ہے