تقطیع، شاعری اور بلاگ

شام کے ڈھل جاتے ہی اکثر

یوں لگتا ہے دل کو میرے

شہر کے اک اک سیٹھ کی دن بھر

میں نے ہی مزدوری کی ہے

ذہن پہ غم کا بوجھ ہے ڈھویا

دفتر میں سر اپنا کھپایا

جہاں بھی جائیں جدھر بھی جائیں، سروں پہ دھوپوں کا سخت پہرا

ہر اک قدم پر نئی مصیبت

ہر اک قدم ہے نیا جھمیلا

برس رہا ہے فلک سے پل پل

تمازتوں کا

سلگتا شعلہ

جفا کی دھوپ میں الفت کا سائباں دیکھوں

کبھی زمیں تو کبھی سمتِ آسماں دیکھوں

کہاں ہوں میں، کہاں وہ روح کا ٹھکانہ ہے

میں اپنی ذات میں ہی خود کو لامکاں دیکھوں

لگی جو آگ مرے دل کے گوشے گوشے میں

اُسی گھڑی سے میں آنکھوں سے بس دھواں دیکھوں

وہ چہرے یاد آتے ہیں

ذرا سورج کے ڈھلتے ہی

مرے دل کے دریچے میں

غموں کی جوت جلتی ہے

نئے ارماں سلگتے ہیں

وہ نغمے یاد آتے ہیں جنہیں گائے تھے ہم سب نے