| وہ چہرے یاد آتے ہیں |
| ذرا سورج کے ڈھلتے ہی |
| مرے دل کے دریچے میں |
| غموں کی جوت جلتی ہے |
| نئے ارماں سلگتے ہیں |
| وہ نغمے یاد آتے ہیں جنہیں گائے تھے ہم سب نے |
| کبھی گلشن کبھی صحرا |
| خزاں کی رُت بہاروں میں |
| فلک پر جابجا پھیلے ہوئے روشن ستاروں میں |
| مسلسل یاد آتے ہیں |
| غموں کی رہ گزاروں میں |
| بہت کوشش ہوئی یارو |
| کسی صورت انہیں بھولوں |
| مگر اے وائے ناکامی |
| کہ دن کے ڈوب جاتے ہی |
| وہ چہرے یاد آتے ہیں |
| آفتاب عالم ؔ شاہ نوری |
معلومات