مشہور شاعروں کے کلام سے انتخاب

2 جنوری
غزل

میر تقی میر

باتیں ہماری یاد رہیں پھر باتیں ایسی نہ سنیے گا

پڑھتے کسو کو سنیے گا تو دیر تلک سر دھنیے گا

سعی و تلاش بہت سی رہے گی اس انداز کے کہنے کی

صحبت میں علما فضلا کی جا کر پڑھیے گنیے گا

دل کی تسلی جب کے ہو گی گفت و شنود سے لوگوں کی

آگ پھنکے گی غم کی بدن میں اس میں جلیے بھنیے گا

باتیں ہماری یاد رہیں پھر باتیں ایسی نہ سنیے گا

بحرِ ہندی/ متقارب مثمن مضاعف

817

29 جولائی
غزل

میرا جی

من مورکھ مٹی کا مادھو، ہر سانچے میں ڈھل جاتا ہے

اس کو تم کیا دھوکا دو گے بات کی بات بہل جاتا ہے

جی کی جی میں رہ جاتی ہے آیا وقت ہی ٹل جاتا ہے

یہ تو بتاؤ کس نے کہا تھا، کانٹا دل سے نکل جاتا ہے

جھوٹ موٹ بھی ہونٹ کھلے تو دل نے جانا، امرت پایا

ایک اک میٹھے بول پہ مورکھ دو دو ہاتھ اچھل جاتا ہے

من مورکھ مٹی کا مادھو، ہر سانچے میں ڈھل جاتا ہے

بحرِ ہندی/ متقارب اثرم مقبوض محذوف مضاعف

2388

2 جنوری
غزل

میرا جی

نگری نگری پھرا مسافر گھر کا رستا بھول گیا

کیا ہے تیرا کیا ہے میرا اپنا پرایا بھول گیا

کیا بھولا کیسے بھولا کیوں پوچھتے ہو بس یوں سمجھو

کارن دوش نہیں ہے کوئی بھولا بھالا بھول گیا

کیسے دن تھے کیسی راتیں کیسی باتیں گھاتیں تھیں

من بالک ہے پہلے پیار کا سندر سپنا بھول گیا

نگری نگری پھرا مسافر گھر کا رستا بھول گیا

بحرِ ہندی/ متقارب مثمن مضاعف

644

27 دسمبر
غزل

میر تقی میر

ترے عشق میں آگے سودا ہوا تھا

پر اتنا بھی ظالم نہ رسوا ہوا تھا

خزاں التفات اس پہ کرتی بجا تھی

یہ غنچہ چمن میں ابھی وا ہوا تھا

کہاں تھا تو اس طور آنے سے میرے

گلی میں تری کل تماشا ہوا تھا

ترے عشق میں آگے سودا ہوا تھا

فَعُولن فَعُولن فَعُولن فَعُولن

2449

27 دسمبر
غزل

میر تقی میر

اشک آنکھوں میں کب نہیں آتا

لہو آتا ہے جب نہیں آتا

ہوش جاتا نہیں رہا لیکن

جب وہ آتا ہے تب نہیں آتا

صبر تھا ایک مونسِ ہجراں

سو وہ مدت سے اب نہیں آتا

اشک آنکھوں میں کب نہیں آتا

فاعِلاتن مفاعِلن فِعْلن

1147

27 دسمبر
غزل

میر تقی میر

گلیوں میں اب تلک تو مذکور ہے ہمارا

افسانۂ محبت مشہور ہے ہمارا

مقصود کو تو دیکھیں کب تک پہنچتے ہیں ہم

بالفعل اب ارادہ تا گور ہے ہمارا

کیا آرزو تھی جس سے سب چشم ہو گئے ہیں

ہر زخم سو جگہ سے ناسور ہے ہمارا

گلیوں میں اب تلک تو مذکور ہے ہمارا

مفعول فاعِلاتن مفعول فاعِلاتن

626

27 دسمبر
غزل

میر تقی میر

خواہ مجھ سے لڑ گیا اب خواہ مجھ سے مل گیا

کیا کہوں اے ہم نشیں میں تجھ سے حاصل دل گیا

اپنے ہی دل کو نہ ہو وا شد تو کیا حاصل نسیم

گو چمن میں غنچۂ پژمردہ تجھ سے کھل گیا

دل سے آنکھوں میں لہو آتا ہے شاید رات کو

کشمکش میں بے قراری کی یہ پھوڑا چھل گیا

خواہ مجھ سے لڑ گیا اب خواہ مجھ سے مل گیا

فاعِلاتن فاعِلاتن فاعِلاتن فاعِلن

508

27 دسمبر
غزل

میر تقی میر

مہر کی تجھ سے توقع تھی ستمگر نکلا

موم سمجھے تھے ترے دل کو سو پتھر نکلا

داغ ہوں رشک محبت سے کہ اتنا بیتاب

کس کی تسکیں کے لیے گھر سے تو باہر نکلا

جیتے جی آہ ترے کوچے سے کوئی نہ پھرا

جو ستم دیدہ رہا جا کے سو مر کر نکلا

مہر کی تجھ سے توقع تھی ستمگر نکلا

فاعِلاتن فَعِلاتن فَعِلاتن فَعِلن

569

29 جولائی
غزل

افتخار عارف

کہاں کے نام و نسب علم کیا فضیلت کیا

جہانِ رزق میں توقیرِ اہلِ حاجت کیا

شِکم کی آگ لئے پھر رہی ہے شہر بہ شہر

سگِ زمانہ ہیں ہم کیا ہماری ہجرت کیا

دمشقِ مصلحت و کوفۂ نفاق کے بیچ

فغانِ قافلۂ بے نوا کی قیمت کیا

کہاں کے نام و نسب علم کیا فضیلت کیا

مفاعِلن فَعِلاتن مفاعِلن فِعْلن

1426

29 جولائی
غزل

علامہ اقبال

متاعِ بے بہا ہے درد و سوزِ آرزو مندی

مقامِ بندگی دے کر نہ لوں شانِ خداوندی

ترے آزاد بندوں کی نہ یہ دنیا ، نہ وہ دنیا

یہاں مرنے کی پابندی ، وہاں جینے کی پابندی

حجاب اکسیر ہے آوارۂ کوئے محبت کو

مری آتش کو بھڑکاتی ہے تیری دیر پیوندی

متاعِ بے بہا ہے درد و سوزِ آرزو مندی

مفاعیلن مفاعیلن مفاعیلن مفاعیلن

2605

29 جولائی
غزل

احمد فراز

نہ انتظار کی لذت نہ آرزو کی تھکن

بجھی ہیں درد کی شمعیں کہ سو گیا ہے بدن

سُلگ رہی ہیں نہ جانے کس آنچ سے آنکھیں

نہ آنسوؤں کی طلب ہے نہ رتجگوں کی جلن

دلِ فریب زدہ دعوتِ نظر پہ نہ جا

یہ آج کے قد و گیسو ہیں کل کہ دار و رسن

نہ انتظار کی لذت نہ آرزو کی تھکن

مفاعِلن فَعِلاتن مفاعِلن فِعْلن

2524

15 ستمبر
نظم

مرزا غالب

ایک دن مثلِ پتنگِ کاغذی

لے کے دل سر رشتۂ آزادگی

خود بخود کچھ ہم سے کنیانے لگا

اس قدر بگڑا کے سر کھانے لگا

میں کہا اے دل ہوائے دلبراں

بس کہ تیرے حق میں کہتی ہے زباں

ایک دن مثلِ پتنگِ کاغذی

فاعِلاتن فاعِلاتن فاعِلن

676

29 جولائی
نظم

میر انیس

کیا زخم ہے وہ زخم کہ مرہم نہیں جس کا

کیا درد ہے جز دل کوئی محرم نہیں جس کا

کیا داغ ہے جلنا کوئی دم کم نہیں جس کا

کیا غم ہے کہ آخر کبھی ماتم نہیں جس کا

کس داغ میں صدمہ ہے فراقِ تن و جاں کا

وہ داغ ضعیفی میں ہے، فرزندِ جواں کا

کیا زخم ہے وہ زخم کہ مرہم نہیں جس کا - مرثیہ

مفعول مفاعیل مفاعیل فَعُولن

3551

29 جولائی
غزل

احمد فراز

عشق تو ایک کرشمہ ہے فسوں ہے یوں ہے

یوں تو کہنے کو سبھی کہتے ہیں یوں ہے یوں ہے

جیسے کوئی درِ دل پر ہو ستادہ کب سے

ایک سایہ نہ دروں ہے نہ بروں ہے یوں ہے

تم محبت میں کہاں سود و زیاں لے آئے

عشق کا نام خِرد ہے نہ جَنوں ہے یوں ہے

عشق تو ایک کرشمہ ہے فسوں ہے یوں ہے

فاعِلاتن فَعِلاتن فَعِلاتن فِعْلن

1946

29 جولائی
غزل

احمد فراز

وہ تو پتھر پہ بھی گزرے نہ خدا ہونے تک

جو سفر میں نے نہ ہونے سے کیا ہونے تک

زندگی اس سے زیادہ تو نہیں عمر تری

بس کسی دوست کے ملنے سے جدا ہونے تک

ایک اِک سانس مری رہن تھی دِلدار کے پاس

نقدِ جاں بھی نہ رہا قرض ادا ہونے تک

وہ تو پتھر پہ بھی گزرے نہ خدا ہونے تک

فاعِلاتن فَعِلاتن فَعِلاتن فِعْلن

1133

22 اگست
نظم

فیض احمد فیض

ہم جو تاریک راہوں میں مارے گئے

تیرے ہونٹوں کے پھولوں کی چاہت میں ہم

دار کی خشک ٹہنی پہ وارے گئے

تیرے ہاتھوں کی شمعوں کی حسرت میں ہم

نیم تاریک راہوں میں مارے گئے

سولیوں پر ہمارے لبوں سے پرے

ہم جو تاریک راہوں میں مارے گئے

فاعِلن فاعِلن فاعِلن فاعِلن

2462

29 جولائی
غزل

محسن نقوی

بنام طاقت کوئی اشارہ نہیں چلے گا

اُداس نسلوں پہ اب اجارہ نہیں چلے گا

ہم اپنی دھرتی سے اپنی ہر سمت خود تلاشیں

ہماری خاطر کوئی ستارہ نہیں چلے گا

حیات اب شام غم کی تشبیہ خود بنے گی

تمہاری زلفوں کا استعارہ نہیں چلے گا

بنام طاقت کوئی اشارہ نہیں چلے گا

مَفاعلاتن مَفاعلاتن مَفاعلاتن

2333

29 جولائی
غزل

جوش ملیح آبادی

یہ دُنیا ذہن کی بازی گری معلُوم ہوتی ہے

یہاں جس شے کو جو سمجھو وہی معلُوم ہوتی ہے

نکلتے ہیں کبھی تو چاندنی سے دُھوپ کے لشکر

کبھی خود دُھوپ نکھری چاندنی معلُوم ہوتی ہے

کبھی کانٹوں کی نوکوں پرلبِ گُل رنگ کی نرمی

کبھی پُھولوں کی خوشبُو میں انی معلُوم ہوتی ہے

یہ دُنیا ذہن کی بازی گری معلُوم ہوتی ہے

مفاعیلن مفاعیلن مفاعیلن مفاعیلن

404

29 جولائی
غزل

میر تقی میر

کیا میں بھی پریشانیِ خاطر سے قریں تھا

آنکھیں تو کہیں تھیں دلِ غم دیدہ کہیں تھا

کس رات نظر کی ہے سوئے چشمکِ انجم

آنکھوں کے تلے اپنے تو وہ ماہ جبیں تھا

آیا تو سہی وہ کوئی دم کے لیے لیکن

ہونٹوں پہ مرے جب نفسِ باز پسیں تھا

کیا میں بھی پریشانیِ خاطر سے قریں تھا

مفعول مفاعیل مفاعیل فَعُولن

1945

29 جولائی
غزل

میر تقی میر

مانند شمع مجلس شب اشکبار پایا

القصہ میر کو ہم بے اختیار پایا

احوال خوش انھوں کا ہم بزم ہیں جو تیرے

افسوس ہے کہ ہم نے واں کا نہ بار پایا

چیتے جو ضعف ہوکر زخمِ رسا سے اس کے

سینے کو چاک دیکھا دل کو فگار پایا

مانند شمع مجلس شب اشکبار پایا

مفعول فاعِلاتن مفعول فاعِلاتن

526