| تاباں قمر کہ حسنِ سراپا کہوں تجھے |
| مرکز عطا کا،بحر سخا کا کہوں تجھے |
| یزداں کا میرے مصطفی پیارا کہوں تجھے |
| "سرور کہوں کہ مالک و مولا کہوں تجھے |
| باغ خلیل کا گل زیبا کہوں تجھے" |
| انس و ملک کا میں تجھے مولی و شہ کہوں |
| رب سے ملانے والی تجھے نوری رہ کہوں |
| خوشیوں کا مستقل تجھے راہ و پتہ کہوں |
| "حرماں نصیب ہوں تجھے امید گہ کہوں |
| جانِ مراد و کانِ تَمَنّا کہوں تجھے" |
| تم پر نثار اپنا دل و جاں کروں شہا |
| اپنے دکھوں کا کوئی تو درماں کروں شہا |
| جنت میں جانے کا کوئی امکاں کروں شہا |
| "مجرم ہُوں اپنے عفو کا ساماں کروں شہا |
| یعنی شفیع روزِ جزا کا کہوں تجھے" |
| تم ہو جہاں کی ابتدا تم ہو بس انتہا |
| مخلوق ساری میں ہے ترا مرتبہ جدا |
| قرآن سارا ہے نبی جی مدح گو ترا |
| "لیکن رضاؔ نے ختم سخن اس پہ کر دیا |
| خالِق کا بندہ خلق کا آقا کہوں تجھے" |
معلومات