| اجلاس اعلیٰ سب سے سرکار آپ کا ہے |
| ہر خیر آئے جس سے دربار آپ کا ہے |
| قلزم برائے نعمت گنجِ غنی ہے جس سے |
| وہ کرمِ کبریا سے سرکار آپ کا ہے |
| مومن کے دل میں منشا ہر آن ہے مدینہ |
| یہ ہجر میں جو رہتا بیمار آپ کا ہے |
| درماں اے پیارے ہادی تیری گلی ہے اس کا |
| میرے کریم ہادی مختار آپ کا ہے |
| آنکھیں ترس رہی ہیں آشا چھپی ہے من میں |
| تریاق مُرغِ بسمل دیدار آپ کا ہے |
| سرکار آپ پیارے دلدارِ انبیا ہیں |
| درجہ عُلیٰ جو سب میں سالار آپ کا ہے |
| روحُ القدس اذن سے ہیں آتے نبی کے در پر |
| عِز و شرف میں ارفع گھر بار آپ کا ہے |
| نورِ ہدیٰ نے کر دی راہِ ارم فروزاں |
| کونین بھر میں روشن کِردار آپ کا ہے |
| محشر میں پیارے ہادی عاصی کو یاد رکھنا |
| اعلیٰ مقام سب سے دلدار آپ کا ہے |
| سرکار ہو شفاعت محمود پُر خطا کی |
| بَری کرے جو امت اِصرار آپ کا ہے |
معلومات