| مرا عشق میرا مراقبہ مرے جسم و جان کی آرزو |
| یا ابطحی یا سیّدی یا مرشدی لا ترفَعُو لا تر فَعُو |
| مری سوچ میں مرے ذہن میں مرے باغ و صحن کی ہر نمو |
| مری صبح و شام کی آبرو لا ترفَعُو لا ترفَعُو |
| یہی ذِکرِ لیل و نہار ہے یہی صبح و شام کی گفتگو |
| مری آرزو مری جستجو مرا ذکر و روزہ مرا وضو |
| نہ حسّان جیسے حروف ہیں نہ بصیر جیسا ہے رنگ و بُو |
| مَیں جو بھی ہوں شہہِ انبیا ترے سامنے ترے رُو برُو |
| کبھی والضحّٰی کبھی صدرَکَ کبھی رفَعنا کبھی مصطفےٰا |
| لا تُقدِّ مُو لا تقدِّ مُو لا ترفعُو لا ترفَعُو |
| جہاں تُو امیرُالبحر ہے وہیں مَیں بھی ننّھی سی آبجُو |
| نہیں تیرا میرا موازنہ کہاں نرم خو کہاں تُرش رُو |
| نہ تو آس ہوں نہ نراس ہوں جو بُجھے کبھی نہ وہ پیاس ہوں |
| تُو امید ہے تُو نوید ہے ترا نامِ نامی ہے چار سُو |
معلومات