| اب خفا بے سبب نہیں ہوتے |
| یہ تماشے تو اب نہیں ہوتے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہم سے پھر شاعری نہیں ہوتی |
| ذہن میں چشم و لب نہیں ہوتے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| سب کو کیوں حالِ دل سناتے ہو |
| رازداں اپنے سب نہیں ہوتے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کچھ ستارے فقط چمکتے ہیں |
| روشنی کا سبب نہیں ہوتے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| چار سو آپ ہی کے ہوتے ہیں |
| آپ کے پاس کب نہیں ہوتے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| فرق آہ و فغاں میں ہوتا ہے |
| رقصِ بسمل میں سب نہیں ہوتے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| رنج و غم کی کمی ستاتی ہے |
| پاس اپنے یہ جب نہیں ہوتے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| مت نکالو کسی کو مندر سے |
| کیا یہاں سب کے رب نہیں ہوتے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| جب بھی ہوتے ہو آپ آنکھوں میں |
| اشک آنکھوں میں تب نہیں ہوتے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| دوست مانی یہ سائے جیسے ہیں |
| دن کو ہوتے ہیں شب نہیں ہوتے |
معلومات