| یا حبیبی سیدی خیرالورٰی شمس الضحیٰ |
| سب جہانوں کی تو رحمت اور محبوبِ خدا |
| حق تعالی نے بنا کے حق تجھے بھیجا یہاں |
| حق سے باطل کو کیا پھر آپ نے آکر جدا |
| آپ نے خَلقِ خدا کو خّلق سے اور پیار سے |
| حق تعالی سے ملایا اے حبیبِ کبریا |
| آپ کے نورِ نبوت سے ہے روشن کائنات |
| مصطفی یا مجتبی خیر الورٰی نورِ خدا |
| دل مرا چمکا دیں آقا ہوں غلام ابنِ غلام |
| رکھ غلامی میں مجھے ہے دست بستہ التجا |
| آپ کی مدحت کہاں اور کہاں عتیق تو |
| غیر ممکن ہے جو تجھ سے ہو سکے ان کی ثنا |
معلومات