| نبی جی نبی جی ندا کر اے دل تو |
| مدینہ میں پہنچوں صدا کر اے دل تو |
| ہو یادِ نبی میں بسر زندگی یہ |
| سدا ذکرِ صلِّ علیٰ کر اے دل تو |
| نظر سبز گنبد پہ آئے جو میری |
| حسیں آئے موقع ثنا کر اے دل تو |
| میں روضہ نبی کا جو دیکھوں مقابل |
| جھکیں نظریں میری دعا کر اے دل تو |
| ہے بارانِ رحمت نبی کی گلی میں |
| عطا کے لئے مدعا کر اے دل تو |
| لئے من میں کامل امیدِ شفاعت |
| سخی مصطفیٰ مصطفیٰ کر اے دل تو |
| غلامی میں اُن کی ہے محمود راضی |
| ہمیشہ انہی سے وفا کر اے دل تو |
معلومات