تقطیع، شاعری اور بلاگ - عروض

Salim Husain

@Salimlko

14 فروری 2026
نظم

Salim Husain
@Salimlko

ہے کس کی کیا بساط بتاتی ہے نوکری

انساں کو آئینہ یوں دکھاتی ہے نوکری

تعبیر جسکی ملتی نہیں ہے تمام عمر

کچھ اس طرح کے خواب دکھاتی ہے نوکری

بن تجربے کے ڈگری کسی کام کی نہیں

احساس ہم کو یہ بھی دلاتی ہے نوکری

نوکری

4

27 جنوری 2026
نظم

Salim Husain
@Salimlko

آئے گا ایک وقت جب آئیں گے سارے لوگ

اور مجھ کو لے کے دوش پہ جائیں گے سارے لوگ

کر دیں گے میرا نام بھی اس جسم سے جدا

بس مٹّی کہہ کے مجھ کو بلائیں گے سارے لوگ

اِک مشت خاک ڈال کے پلٹیں گے قبر سے

رسمِ وفا بس اتنی نبھائیں گے سارے لوگ

سارے لوگ

10

27 جنوری 2026
نظم

Salim Husain
@Salimlko

سر تو جھکا ہے سجدے میں دل بھی جھکا ہے کیا

سوچا ہے تونے یہ کبھی راضی خدا ہے کیا

اک قَطْرَۂ حقیر سے خلقت ہوئی تری

رہتا ہے پھر بھی زعم میں تُجھ کو ہوا ہے کیا

کیسے کوئی مراد ہو پوری تری بھلا

اعمال کیا ہیں اور ترے لب پر دعا ہے کیا

محاسبہ

8

27 جنوری 2026
نظم

Salim Husain
@Salimlko

کرتا ہے پر خلوص یہ اصرار لکھنؤ

آ کے حضور دیکھیے اک بار لکھنؤ

دل کش بھی دل بہار بھی دلدار لکھنؤ

گلشن بھی گل نشین بھی گلزار لکھنؤ

انکھوں کو خوب لگتا ہے ہر بار لکھنؤ

شاہِ اَوَدھ کی شان ہے شہکار لکھنؤ

لکھنؤ

8

12 دسمبر 2024
نظم

Salim Husain
@Salimlko

اکثر جسے تعلیم سے رغبت نہیں ہوتی

اُستاد سے بھی اسکو عقیدت نہیں ہوتی

اللہ نہ کہتا کبھی احمد کو معلّم

استاد کی لازم جو اطاعت نہیں ہوتی

کچھ وقت گزرتا جو کتابوں کے بھی ہمراہ

تو آپ کو ہر وقت کی زحمت نہیں ہوتی

استاد

3

66

12 دسمبر 2024
نظم

Salim Husain
@Salimlko

روِش یہ دیکھ مرے دل میں بےقراری ہے

کہیں پہ ظلم کہیں پر سکون طاری ہے

کہیں پہ بیعتِ دنیا ہی دینداری ہے

کہیں پہ جذبہِ ایماں ہے جاں نثاری ہے

کہیں پہ لوگ ہیں مدہوش اپنی دنیا میں

کہیں پہ لاشیں ہیں بچّوں کی آہ و زاری ہے

ظلم اور انسانیت

1

2

49

12 دسمبر 2024
نظم

Salim Husain
@Salimlko

چائے کو دل کا سکوں روح کی راحت کہیے

نعمتِ رب اسے خالق کی عنایت کہیے

چائے کو چائے نہیں آبِ تراوت کہیے

اک جنوں کہیے اسے یہ اسے عادت کہیے

چائے کے آگے کہاں کوئی ضیافت ٹھہری

تین صدیوں سے رواں اس کی حکومت کہیے

چائے

71