| حسیں خلقِ حق میں حبیبِ الہ ہے |
| جنہیں اعلیٰ رتبہ خدا سے ملا ہے |
| درخشاں ہے جس سے چمن کی یہ زینت |
| مدینے سے آتا یہ نور و ضیا ہے |
| نبی کی ہے کوثر وہ محبوبِ رب ہیں |
| سدا شادیانہ اُنہی کا بجا ہے |
| ثنائے نبی سے درخشاں دہر ہیں |
| درودوں سے آتی دلوں پر جِلا ہے |
| جہاں کی یہ رونق ہے صدقے نبی کے |
| کہ نبضِ جہاں مصطفیٰ کی عطا ہے |
| ہے مبدا دہر کا حسیں نور یزداں |
| اسی سے منور وہ صبحِ صفا ہے |
| مدینے سے ملتا دکھوں کا ہے ماویٰ |
| مدینے میں رنج و الم کی دوا ہے |
| چلیں گے مدینے جو آیا بلاوا |
| ملے دردِ دل کی مدینے شفا ہے |
| سلاموں کے مل کر سجائیں گے گجرے |
| بٹیں گنجِ رحمت خدا کی رضا ہے |
| تنزل جہاں ہے سدا نوریوں کا |
| وہ شہرِ نبی کی منور فضا ہے |
| سدا یادِ دلبر لبوں کی ہو زینت |
| سخی میرے مولا حزیں کی دعا ہے |
| ہے محمود عطرِ نبی کی طلب میں |
| بتائیں مدینہ سے آئی ہوا ہے |
معلومات