| سرکارؐ کی نعتوں کو با ذوق لکھا کرنا |
| تخلیق پرستی کا حق خوب ادا کرنا |
| عشق نبیؐ میں ہر دم سر مست رہا کرنا |
| اعجاز محبت سے سرشار جیا کرنا |
| بیزاری برتنا ہے غیروں کے طریقوں سے |
| غیرت بھی سدا رکھنا، سنتؐ پہ چلا کرنا |
| دنیا بھی سنور جائے، عقبی بھی سنور جائے |
| سیرتؐ پہ چلا کرنا، نسبتؐ پہ مٹا کرنا |
| غفلت میں نہ رہنا ہے، الفت کو نبھانا ہے |
| مقصد پہ فنا ہونا ، وعدہ کو وفا کرنا |
| پیغمبؐر عالم کی امت ہے بڑی پیاری |
| امت کی بھلائی میں ہر وقت گھلا کرنا |
| قرآں پہ عمل پیرا ہو جائیں سبھی ناصؔر |
| گمراہی ضلالت سے حد درجہ بچا کرنا |
معلومات