| مدینے ہو آنا ثنا کرتے کرتے |
| حبیبی حبیبی صدا کرتے کرتے |
| تمنا ہے دل کی ہو باغِ مدینہ |
| لگے آنکھ میری دعا کرتے کرتے |
| چلوں میں مدینے ہیں دلبر مدینے |
| کریما نظر ہو ندا کرتے کرتے |
| گلوں سے سوا ہیں جو خارِ مغیلاں |
| چنے آنکھ صلے علیٰ کرتے کرتے |
| درِ مصطفیٰ سے ملے سرفرازی |
| کہاں ہیں وہ تھکتے عطا کرتے کرتے |
| بڑا عارضہ دل کو ہجرِ نبی ہے |
| سجائیں یہ سپنے دوا کرتے کرتے |
| بنے نعتِ سرور ہی توشہ لحد کا |
| رواں سانس ہو مصطفیٰ کرتے کرتے |
| زیاں کار محمود مانگے شفاعت |
| پشیماں ہوا ہے خطا کرتے کرتے |
معلومات