| جس کے سر پر سج گیا ہے نقشِ پائے مصطفیٰ |
| اس کو اور کیا چاہیے ہے از خدائے مصطفیٰ |
| آسماں سایہ فگن جو آتا ہے تم کو نظر |
| اس پہ بھی سایہ فگن تو ہے ردائے مصطفیٰ |
| ریت کے ذروں سے آئینہ بنا جو تاب ناک |
| بالیقیں ان پر پڑی ضوئے ضیائے مصطفیٰ |
| مریم و حوا و حضرت فاطمہ و آ سیہ |
| سب کو ہے وافر ملا فیضِ حیائے مصطفیٰ |
| کیوں ہوئے جاتا ہو حیراں کم نظر معراج سے |
| یہ تو ہے بس ابتدائے ارتقائے مصطفیٰ |
| سوزِ حبِّ دنیا سے یہ دل مرا بے چین ہے |
| ہے علاجِ دردِ دل دستِ شفائے مصطفیٰ |
| آپ کے دربار سے وابستہ ہے کشتِ سخن |
| کرتا ہوں سیراب کھیتی از ثنائے مصطفیٰ |
| یہ انا قاسم سے نکتہ رو برو آیا مرے |
| بٹ رہی ہے دو جہانوں میں سخائے مصطفیٰ |
| نعت لکھنے کا وظیفہ ہے کیا اس واسطے |
| ماہی کو مل جائے گی اس سے رضائے مصطفٰی |
معلومات