| کونین کا کل حسن ہے، پَرتو جمالِ مصطفیٰ |
| جو کائناتِ حسن ہیں، یا حسن ہیں اس دہر کا |
| دونوں جہاں کے، کل گلستاں، فیض لیں سرکار سے |
| دیتا ہے سب کو کبریا، ہیں واسطہ صلے علیٰ |
| معمور اُن کے نور سے ہیں، مہر تارے اور قمر |
| جُملہ چمن کے روپ میں بھی، جلوہ ہے سرکار کا |
| سارے جہاں کے بحر و بر، اور رونقیں فردوس کی |
| ہیں تام اُن کے فیضِ سے، ہے فضلِ حق جن پر سدا |
| پاکیزہ ناتوں کو نبی سے، مل گیا ظرفِ عُلیٰ |
| مولا نے اُن کے خُلق کو، سب سے بڑا ہے کہہ دیا |
| جن کے کرم کی زد میں ہیں، سارے جہاں کے کل کراں |
| ادراک اُن کے اوج کی، وہ رفعتیں کب چھو سکا |
| کیسے بیاں ہوں جلوتیں، شانِ جمالِ الضحیٰ |
| محبوب ہیں وہ کبریا کے، سید و سرکارِ ما |
| جان و جگر کی ہر چمک ہے، صاحبِ انوار سے |
| جو راستہ اُن سے ملا، سیدھا ارم کو وہ گیا |
| اوصاف شانِ دلربا کے، کہہ سکے ہے کبریا |
| محمود! میری ہے دعا، وہ خوش رہیں تجھ پر سدا |
معلومات