| ہم نہ بھی ہوں وہ آنکھیں تو ہونگی |
| ہم کو جو دیکھتی ہیں چپکے سے |
| ساز ہونگے سماعتیں ہونگی |
| اُن کے سننے کو ہم نہیں ہونگے |
| حُسن ہو گا فقط نظاروں تک |
| حُسن والے تو نام کے ہونگے |
| لوگ پوچھیں ہمارے بارے میں |
| ایسی قسمت کہاں ہماری ہے |
| ہاں مگر وہ جو حُسن والے ہیں |
| وہ تو ہر اک زبان پر ہونگے |
| ہم کو مطلوب تیری آنکھیں ہیں |
| اِس سے بڑھ کے بھی اور کیا مانگیں |
| تیرے چہرے کے خال و خد سے پرے |
| کتنی ہی کہکشاں کے پہرے ہیں |
| چاند سورج یہ سب کے سب تارے |
| تیری گردش میں ماہ و سال رہیں |
| تجھ کو پانے کی آرزو لے کر |
| ہم جو نکلے تو دھوم سے نکلے |
| خود سری راستے میں پھینک آئے |
| آبرو کو بھی تار تار کیا |
| کتنے ہی خواب چکنا چور کیے |
| خود کو بھی راستے میں چھوڑ آئے |
| اب جو پہنچے ہیں تیرے کوچے میں |
| خود نہیں جانتے کہ کون ہیں ہم |
| ہم کو اب کون یاد رکھے گا!!! |
| خود نہیں جانتے کہ کون ہیں ہم!!! |
| سید ہادی حسن |
معلومات