| گلے ملنا ابھی ممکن کہاں ہے |
| گلوں شکووں کی لمبی داستاں ہے |
| بہار آئی مگر مہکی نہ کلیاں |
| ابھی گلشن میں نفرت کا دھواں ہے |
| یہاں سے دور منزل ہے ہماری |
| یہ رستہ امتحاں در امتحاں ہے |
| قیامت توڑتے ہو میرے دل پر |
| سنبھل جاؤ کسی کا آستاں ہے |
| مرے ناقد بھی یہ کہنے لگے ہیں |
| زمانے میں مرا سکہ رواں ہے |
| بڑی مہلک ہے تیری دل نوازی |
| بھلا یہ راز اب کس سے نہاں ہے |
| نسب نامے بیاں کرتی ہیں جنگیں |
| فلاں ابنِ فلاں ابنِ فلاں ہے |
معلومات