| مولا نے مصطفیٰ کو عُہدے عُلیٰ دیے ہیں |
| قادر سے ظرف اعلیٰ، سرکار کو ملے ہیں |
| قرآن سے ہے ثابت، کوثر مِلک نبی کی |
| بے پایاں گنج رب نے، اُن کو عطا کئے ہیں |
| آقا حبیبِ داور، سردارِ انبیا ہیں |
| جبریل کا ہے کہنا، اقصیٰ میں جب کھڑے ہیں |
| اعلیٰ لقب ملا ہے خُلقِ عظیم اُن کو |
| الطاف عام جن کے، کونین کے لیے ہیں |
| فردوس دان دیں وہ، چولہا ہے گھر میں ٹھنڈا |
| کیا خوب بحرِ رحمت، جو ٹھاٹھیں مارتے ہیں |
| اُن کی عطا نہ دیکھے، ہے غیر کی یہ جھولی |
| ترفہ دیے خدا نے، دلبر کو حوصلے ہیں |
| کرتے ہیں دان اُنؐ کے، نادار کو تونگر |
| غلبے قوی خدا نے، مختار کو دیئے ہیں |
| برہانِ کبریا ہیں، سلطانِ دوسریٰ جو |
| دریائے فیض اُن سے، ہر سمت کو چلے ہیں |
| محمود جانِ رحمت، ہیں دہر کے جو داتا |
| انعام کے قلمداں، اس ذات کو ملے ہیں |
معلومات