| مری افسردہ آنکھوں میں وہی غم کا ترانہ ہے |
| مرا ہنسنا ستم تیرے چھپانے کا بہانہ ہے |
| مری کشتی کنارے تک پہنچ پاتی بھلا کیسے ؟ |
| تلاطم خیز موجوں کا بنی پہلے نشانہ ہے |
| رقیبوں کی شکایت نے مجھے برباد کر ڈالا |
| حقیقت سے پرے ہوکر فسانہ ہی فسانہ ہے |
| بہت پہلے قلندر نے کہی تھی بات یہ مجھ سے |
| سنبھل کے چل ارے ناداں! زمانہ تو زمانہ ہے |
| شناسائی بھلا دے گی قوی امکان لگتا ہے |
| اُسے کوئی یہ بتلا دے سحر تیرا دوانہ ہے |
معلومات