| عصر حاضر کے ستم گار و ستم خو کے لیے |
| ظلم و عدوان کے ہنگامہ و شورش کے خلاف |
| شوکتِ ظلمتِ شب گیرِ سیہ رو کے لیے |
| سطوتِ تندیٔ ایام کی گردش کے خلاف |
| ہم نے مانا کہ بجز جنگ کوئی چارا نہیں |
| سرفروشوں کے لیے اور کوئی یارا نہیں |
| تیشہ دستوں کے لیے اور کوئی خارا نہیں |
| پر اے بیتابئ دل ! ہو جسے یہ ذوقِ جنوں |
| اس کو لازم ہے کہ وہ قصرِ سیاست سے جڑے |
| یوں نہ کہلاۓ جہاں بھر میں وہ ہنگامہ پسند |
| یوں کسی خاص وضع کو وہ نہ بدنام کرے |
| تم کو معلوم بھی ہے خاص وضع دار ہو تم |
| امن و انصاف کے دیرینہ طرف دار ہو تم |
| عظمتِ ملتِ بیضا کے نگہدار ہو تم |
معلومات