| جب سے ان کی نگاہ برہم ہے |
| دل کا مت پوچھ کیسا عالم ہے |
| مجھ کو شعلوں سے کارِ شبنم ہے |
| یہ ادائیں تو مجھ کو مرہم ہے |
| ہم کو تم سے کہاں شکایت ہے |
| اپنی قسمت پہ اپنا ماتم ہے |
| گو ثریا کے بھی قریب گیا |
| کس قدر دور خود سے آدم ہے |
| حسن کا راز پھر نہیں سمجھا |
| تیری یہ داستاں بھی مبہم ہے |
| اب کے زخموں کی کھیتی دیکھیں گے |
| وہی فصلیں ہیں وہ ہی موسم ہے |
| اشک آنکھوں سے ختم ہیں شاید |
| خوں کا بہتا ہوا سا قلزم ہے |
| پھر وہی راہ و رسمِ یاری ہے |
| اک عنایت ہے اور پیہم ہے |
| ساری دنیا کو ہم کیوں بتلائیں |
| میرے رازوں کا تو تو محرم ہے |
| سب غرض کے پجاری نکلے ہیں |
| کوئی ساتھی نہ کوئی ہمدم ہے |
| کچھ صلیب لائے ہیں مری خاطر |
| مجھ کو سمجھے کہ اپنی مریم ہے |
| حسن میں تاب ہے وہی پچھلی |
| عشق میں سوز تو ہے کم کم ہے |
معلومات