| کچھ سنا جائے کچھ کہا جائے |
| کیا ضروری ہے چپ رہا جائے |
| ضبط میں اصل حسن ہوتا ہے |
| کیسے جذبات میں بہا جائے |
| عشق کم مائگی پہ نادم ہو |
| کیا پسینے میں پھر نہا جائے |
| زخم اس راہ کے ہیں پُر لذّت |
| ہر کوئی اس میں بارہا جائے |
| وصل تو مستزاد نعمت ہے |
| ہجر بھی شکر سے سہا جائے |
| خوشبو ئیں جب اٹھیں کھنچے جائیں |
| کیا کریں جس سے اشتہا جائے |
| دل کو جس کے لگی ہو وہ جانے |
| پانی آنکھوں سے بے بہا جائے |
| پیار سے ابتدا ہوئی طارِق |
| کس طرف لے کے انتہا جائے |
معلومات