| کونین میں آقا کی ہر دم ہے ثنا جاری |
| توصیف حبیبِ رب کرتی ہے خلق ساری |
| ہادی سے ملا سب کو ساماں ہے ہدایت کا |
| جو کفر کے سر پر ہے اک ضرب لگی کاری |
| مضراب سے حیدر کے بُت کعبہ سے سب نکلے |
| خائف ہے کھڑا رومی لرزے میں ہے زناری |
| کافور ہے ہر ظلمت اس نورِ ہدایت سے |
| رحمت ہے جو دلبرؐ کی ہستی پہ سدا طاری |
| آسودہ فلک کے ہیں اجرام رواں سارے |
| کچھ دان سے رہبر کے کرتے ہیں ضیا باری |
| ہر فیض مدینے سے ملتا ہے جہاں بھر کو |
| پوری ہے ملی رب سے مختار کو مختاری |
| محمود ملیں سب کو انوار ہدایت کے |
| جو دور کریں دل کے ہر حال سے بیماری |
معلومات