| ہے پارسا یا کوئی گنہگار کون ہے |
| لایا گیا ہے جو سر بازار کون ہے |
| مدت سے بزم خامہ غالب کے ساتھ ہے |
| اس کاروان اردو کا سالار کون ہے |
| خبریں تو دیکھتا ہے یہاں ہر کوئی مگر |
| پس منظر خبر سے خبردار کون ہے |
| کیا خوب رو جوان ہے انداز خوب ہے |
| اور کہہ رہا ہے میر سے اشعار کون ہے |
| اپنا رخ حسین چھپا کر نقاب میں |
| کھڑکی سے جھانکتا ہے جو ہر بار کون ہے |
| مجھ کو لگا کہ آپ ہی زیر علاج ہیں |
| ہیں آپ گر طبیب تو بیمار کون ہے |
| شکل و لباس دیکھ کے کچھ تبصرہ نہ کر |
| معیار تو بتائے گی گفتار کون ہے |
| غالب ہیں ہر کسی پہ یاں موقع پرستیاں |
| اب کون دیکھتا ہے وفادار کون ہے |
| دیتا ہے وہ ہدایتیں بندوں کو بعد میں |
| پہلے وہ دیکھتا ہے طلبگار کون ہے |
| ازہر عجب تماشۂ انصاف ہے یہاں |
| کرتا ہے ظلم کون گرفتار کون ہے |
معلومات