| درجہ خلق میں اعلیٰ سرکار مصطفیٰ کا |
| روشن تریں دہر میں دربار مصطفیٰ کا |
| ہر امتی کے دل میں ہے آرزو سدا یہ |
| دیکھے مدینہ آ کر گھر بار مصطفیٰ کا |
| آنکھیں ترس رہی ہیں اور آس بھی ہے من میں |
| یعنی ہے آرزو میں دیدار مصطفیٰ کا |
| یومِ قضا میں چاہوں جنت میں طیبہ کی |
| در خلد سے ہے بہتر مختار مصطفیٰ کا |
| محشر میں پیارے ہادی عاصی کو یاد رکھنا |
| ہر حال میں ہے بردہ غمخوار مصطفیٰ کا |
| مومن کے دل میں چاہت باغِ مدینہ کی ہے |
| کیونکہ غلام ہے یہ مختار مصطفیٰ کا |
| محمود کا ہے درماں تیری گلی میں آقا |
| اس کو کہے خدائی بیمار مصطفیٰ کا |
معلومات