| وہ ادائیں وہ ہنسی پھر وہ لٹانا دل کا |
| رشک آتا ہے ہمیں ایسے گنوانا دل کا |
| اپنی باتوں سے وہ پروانہ بجھانا دل کا |
| پھر بھی بے وجہ اُسی طرف یہ جانا دل کا |
| تھا لکھا عشق میں قدرت پہ نہ آنا دل کا |
| مجھ کو مقسوم تھا کوچے میں بسانا دل کا |
| جو شبِ وصل سنایا وہ فسانا دل کا |
| زیب پر اسکو نہ آیا یہ خزانا دل کا |
| کس لیے ہے تو گرفتارِ محبت میں خوش |
| دیکھا ہے خود میں نے جو جان سے جانا دل کا |
| آسرا جب ہے خدا ، پھر مرا سب کچھ باقی |
| ہے خِجالت ترا منظر سے گِرانا دل کا |
| یہ گلی ان کی ، دل و ہوش ہیں گُم یاں سب کے |
| اب تو بنتا ہے ہمارا بھی چُھپانا دل کا |
| آؤ ناصح میکدے میں تو دکھائیں تم کو |
| لٹتا ہے پہلو سے کیسے یہ گھرانہ دل کا |
| اِس گدا کے لیے وہ ہاتھ اٹھا کے بولے |
| اے نگاہِ جَفا رکھ زخم سہانا دل کا |
| یوں اُٹھوں گا ترے در سے کہ اُٹھے گی جاں بھی |
| آستاں سے تو ہے دُشوار اٹھانا دل کا |
| وہ سخن ساز خموشی وہ حسؔن کی چالیں |
| یاد ہے ہم کو محبت میں جگانا دل کا |
معلومات