| کہاں تک دردِ دل اپنا عیاں ہے |
| کہ ہر اک آنکھ میں غم کا گماں ہے |
| جو گزرا ہے شب و روزِ زماں میں |
| وہ ہر اک سانس میں قصہ رواں ہے |
| لگی ہے آگ دل مضطر میں ہر دم |
| کوئی آہ و نوا ہے نا دھواں ہے |
| محبت اک سفر ہے عمر بھر کا |
| یہاں ہر گام پر اک امتحاں ہے |
| نہ کوئی راہ ہے اس دشتِ غم میں |
| نہ منزل ہے، فقط اک کارواں ہے |
| ترا جلوہ ہے ہر سو، ہر نظر میں |
| کہاں جاؤں کہ بس تُو ہی جہاں ہے |
| المیؔر اب لکھے کیا دل کا احوال |
| کہ ہر اک شعر میں سارا بیاں ہے |
معلومات