| چھٹکارا کیسے پائے گا یاں مدعا علیہ |
| تم ہی ہو مدعی یہاں تم ہی گواہ ہو |
| لعنت کرو ستم سے اگر شکوہ ہو مجھے |
| دے دو سزا اگر مرے لب پر بھی آہ ہو |
| کمزور ہوں اگرچہ زمانے کا ساتھ ہو |
| گو نہ کسی کا ساتھ ہو تیری پناہ ہو |
| پاگل ہے دل اگر اسے کہتا ہے حف نظر |
| کافر ہوں پھر اگر کبھی اس بت کی چاہ ہو |
| کرتا ہوں اس کو سجدہ تو طاعت شمار کر |
| ہم جیسے پارسا سے تو شاید گناہ ہو |
| گل ہائے رنگا رنگ سے ہے زینتِ چمن |
| مسلم ہو دل ترا تو یہ کافر نگاہ ہو |
| آتی ہے ہر جگہ سے وہی کفر کی صدا |
| مسجد ہو مدرسہ ہو کوئی خانقاہ ہو |
| ہر جا ہیں خود نمائی کے طلسم پڑے ہوئے |
| ہو قتل کی جگہ کہ تری جلوہ گاہ ہو |
| تاریکی کے وجود سے ہے روشنی یہاں |
| فقراء کے دم سے ہی تو تمہیں بادشاہ ہو |
| شعلہ بجاں ہو بت کو کروں سجدہ گر کبھی |
| ناصح کو گرچہ بت سے وہی رسم و راہ ہو |
| خورشید و ماہ تم پہ کرے رشک ہاں مگر |
| افسوس تم کو زعم ہے خورشید و ماہ ہو |
| ہم گر وفا کریں کہیں مجرم ہمیں سبھی |
| اور تو کرے ستم تو تری واہ واہ ہو |
| اہلِ ہنر کی اب یہاں کوئی قدر نہیں |
| لمبی کر کرو قبا کو تو اونچی کلاہ ہو |
| سجدہ سے بت خدا ہوئے سنتے نہیں تھے ہم |
| پندار تم کو ہے کہ یاں تم ہی الہ ہو |
| پوجوں گا اے خدا تمہیں وعدہ مرا رہا |
| گر پھر بتوں سے اپنی نہ کوئی نباہ ہو |
| گر راہِ عاشقاں کے ہمیں میرِ کارواں |
| راہِ ستم گراں کے بھی تم سربراہ ہو |
معلومات