| نگین لگتا ہوں میں دل نشین لگتا ہوں |
| وہ دیکھ لے جو مجھے میں حسین لگتا ہوں |
| وہ تتلیوں میں بسی اپسرا سی شہزادی |
| جو سوچ لے وہ مجھے میں سبین لگتا ہوں |
| خرید لے وہ اگر کچھ کہیں بھی سستے میں |
| میں دل کی بستی میں بکتی زمین لگتا ہوں |
| وہ آب جو سی اگر رخ کرے مری جانب |
| میں رت جگوں کے جہاں کا مکین لگتا ہوں |
| وہ چاند صورت گر روک لے مجھے تنہا |
| میں رات اوڑھ کے چندے جبین لگتا ہوں |
| وہ دیکھتے ہی مرا نام بول دے جو کہیں |
| میں اس کے لفظ سے اعلیٰ ترین لگتا ہوں |
| وہ مورنی سی مجھے جب ذہین کہتی ہے |
| میں گڑبڑی سا خود کو فطین لگتا ہوں |
معلومات